Адзіны асуджаны, які вырашыў абскардзіць прысуд па справе Пеліко, атрымаў больш працяглы тэрмін
Суд на поўдні Францыі павялічыў на год тэрмін турэмнага зняволення адзінаму мужчыну, які абскардзіў прысуд за згвалтаванне Жызэль Пеліко.
44‑гадовы Хусамецін Даган сцвярджаў, што ён невінаваты, нягледзячы на шакавальны відэазапіс таго, як ён займаецца сэксам з нерухомай Жызэль Пеліко, паказаны ў судзе, піша Бі-бі-сі.
Як і многія іншыя мужчыны, асуджаныя ў снежні мінулага года, Доган сцвярджаў, што не можа быць вінаваты ва згвалтаванні Жызэль, таму што не ведаў, што муж накачаў яе наркотыкамі супраць волі.
Доган адхіліў абвінавачванні ў згвалтаванні, хоць прызнаў, што Жызэль стала відавочнай ахвярай дзеянняў свайго мужа.
«Я здзейсніў сэксуальнае дзеянне, я нікога не гвалтаваў, — сказаў ён. — Для мяне згвалтаванне — гэта калі кагосьці прымушаюць, звязваюць, я не ведаю… Я — ахвяра».
Жызэль Пеліко заявіла суду, што яна «адзіная ахвяра», адмаўляючы, што калі-небудзь давала згоду.
Звярнуўшыся да Дагана, яна сказала: «Ты не разумееш, што гэта было згвалтаванне. Калі ты прызнаеш, што гэта злачынства? Мне сорамна за цябе».
Даган паспрабаваў перакласці віну на Дамініка Пеліко і сказаў, што ў нейкі момант у яго былі «падазрэнні», што сітуацыя была не зусім нармальнай, але Пеліко яго супакоіў.
«Гэты чалавек — маніпулятар», — сказаў Даган.
Слуханні ў Німе фактычна ўяўлялі сабой паўторны судовы разгляд, але, у адрозненне ад першапачатковага працэсу ў снежні мінулага года, гэтую справу разглядала журы з дзевяці грамадзян і трох прафесійных суддзяў.
Дзяржаўны абвінаваўца Дамінік Сье настойваў на 12‑гадовым тэрміне для Дагана, бо ён «не гатовы прызнаць сваю адказнасць» за «жахлівы акт, які разбурыў асобу жанчыны і пазбавіў яе чалавечай годнасці».
У выніку апеляцыйны суд павялічыў першапачатковы тэрмін зняволення з дзевяці да дзесяці гадоў. У снежні мінулага года Даган быў прызнаны вінаватым у згвалтаванні пры абцяжваючых абставінах у рамках працэсу, па выніках якога былі асуджаны яшчэ 50 мужчын.
З 51 мужчыны (уключаючы мужа Пеліко), якія атрымалі турэмны тэрмін, 17 першапачаткова падалі апеляцыі, але неўзабаве адклікалі іх.
Хусамецін Даган стаў адзіным, хто давёў сваю апеляцыю да суда.
Пеліко, які прысутнічаў у судзе ў якасці сведкі, адмаўляў, што калі-небудзь прыкідваўся, быццам яго жонка будзе ў свядомасці.
Усе мужчыны, якіх ён знаходзіў у чатах, «былі папярэджаны, што яна будзе пад дзеяннем наркотыкаў», заявіў Пеліко, дадаўшы, што ён наўпрост сказаў Дагану, што шукае «кагосьці, хто зняважыць маю спячую жонку без яе ведама».
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка8
Каментары