У Мінску плануюць пабудаваць новы праваслаўны храм. Ён размесціцца на скрыжаванні вуліц Янкі Брыля і Гурскага ў Маскоўскім раёне.
На гэтым этапе мінчан запрашаюць абмеркаваць архітэктурна-планіровачную канцэпцыю аб’екта.
Плошча ўчастка, на якім мяркуецца размясціць храм Іаана Кранштацкага, — 0,48 га. З паўночна-заходняга боку да яго прымыкае тэрыторыя з офісным будынкам, з паўночнага — вуліца Гурскага, з паўднёвага — вуліца Янкі Брыля.
Вось як апісваецца архітэктура будынка: архітэктурна-мастацкае рашэнне і аб’ёмна-прасторавая кампазіцыя храма грунтуюцца на традыцыях візантыйскага храмавога дойлідства. Формы асноўных архітэктурных элементаў вызначаюцца праваслаўнай традыцыяй і сімволікай.
Замоўцам будаўніцтва выступае прыход храма праведнага Іаана Кранштацкага ў Мінску Мінскай епархіі Беларускай Праваслаўнай Царквы.
«Новы храм стане культурным і духоўным цэнтрам Маскоўскага раёна, у прыярытэце якога будзе ажыццяўляцца духоўна-асветніцкая праца па захаванні і развіцці хрысціянскай культуры грамадства, умацаванні праваслаўных традыцый, фарміраванні сярод насельніцтва здаровага ладу жыцця, патрыятычнаму і духоўна-маральнаму выхаванню дзяцей і моладзі», — гаворыцца ў абгрунтаванні.
Грамадскае абмеркаванне архітэктурна-планіровачнай канцэпцыі аб’екта «Узвядзенне храма праведнага Іаана Кранштацкага паблізу скрыжавання вул. Янкі Брыля і вул. Гурскага ў г. Мінску» будзе праводзіцца з 20 кастрычніка па 4 лістапада ўключна.
Азнаёміцца з матэрыяламі можна на сайце адміністрацыі Маскоўскага раёна. А заўвагі і прапановы прымаюцца ў пісьмовай форме, у тым ліку па электроннай пошце.
Нагадаем, што ў пачатку вуліцы Гурскага знаходзіцца вядомая пратэстанцкая царква «Божай ласкі» хрысціян веры евангельскай
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма12
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1919
Каментары