Злучаныя Штаты Амерыкі разам з Егіптам, Катарам і Турцыяй падпісалі пагадненне аб спыненні агню ў сектары Газа. Цырымонія прайшла 13 кастрычніка 2025 года ў Шарм-эль-Шэйху, дзе праходзіць міжнародны саміт, прысвечаны будучыні палесцінскага анклава.
Пагадненне падпісалі прэзідэнт ЗША Дональд Трамп, прэзідэнт Егіпта Абдэль Фатах ас-Сісі, эмір Катара Тамім бін Хамад Аль Тані і прэзідэнт Турцыі Рэджэп Таіп Эрдаган — усе яны выступілі як пасярэднікі ў мірных перамовах. Падрабязнасці дакумента пакуль не раскрываюцца.
Падчас свайго выступу на саміце прэзідэнт Егіпта адзначыў, што гэтая дамова «перагортвае балючую старонку гісторыі» і адкрывае шлях да аднаўлення Газы. Ён падзякаваў Трампу за ініцыятыву і падкрэсліў, што «мір не будзе поўным без аднаўлення разбураных тэрыторый».
Трамп, у сваю чаргу, заявіў, што «ніхто не верыў, што гэта магчыма», і назваў падпісанне пагаднення «новым і прыгожым днём». Ён паведаміў, што ў Газу ўжо паступае гуманітарная дапамога — сотні грузавікоў з ежай, медыкаментамі і неабходнымі рэчамі, частку якіх фінансуюць краіны — удзельніцы саміту. Паводле яго слоў, мірныя жыхары вяртаюцца ў свае дамы, а закладнікі ўз’ядноўваюцца з сем’ямі.
На саміт у Шарм-эль-Шэйху былі запрошаныя прадстаўнікі 27 дзяржаў — сярод іх прэзідэнт Францыі, канцлер Германіі, прэм’еры Вялікабрытаніі, Італіі, Іспаніі, Канады, а таксама кіраўнікі Іарданіі, Катара і Бахрэйна. Аднак прадстаўнікі Ізраіля і руху ХАМАС на саміце не прысутнічаюць, а Іран адмовіўся ад удзелу.
Сустрэча адбываецца пасля таго, як ХАМАС вызваліў усіх 20 жывых ізраільскіх закладнікаў.
Трамп у Кнэсеце: Пасля столькіх год войнаў рэгіён спакойны
Трампу ў Ізраілі падарылі залатога голуба міру
Палесцінская адміністрацыя гатовая супрацоўнічаць, але выстаўляе тры ўмовы
Жыхары Тэль-Авіва расцягнулі перад прылётам Трампа на пляжы велізарны банер «Дзякуй!», каб ён быў бачны з самалёта
ХАМАС перадаў усіх закладнікаў
З'явіліся першыя здымкі вызваленых закладнікаў ХАМАС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
А я чамусьці думаў, што гэтае пагадненне павінны былі падпісаць бакі, каторыя гэты агонь вядуць: Ізраіль і Хамас. Але ж пра іх - ані слова