Размова доўжылася каля 30 хвілін. Зяленскі апісаў яе як вельмі пазітыўную і прадуктыўную, піша Axios.
Прэзідэнт Украіны Уладзімір Зяленскі звязаўся па тэлефоне са сваім амерыканскім калегам Дональдам Трампам.
Зяленскі павіншаваў Трампа з мірным пагадненнем у Газе і сказаў, што калі гэтая вайна можа быць спынена, «тады дакладна іншыя войны могуць быць спыненыя таксама, у тым ліку і гэтая расійская вайна».
Лідары абмеркавалі магчымасць пастаўкі Украіне амерыканскіх дальнабойных ракет «Тамагаўк». Ці прыйшлі Трамп і Зяленскі да нейкага кансэнсусу, невядома. Аднак украінскі прэзідэнт назваў размову вельмі пазітыўнай і прадуктыўнай.
Зяленскі паведаміў, што абмеркаваў з Трампам узмацненне ўкраінскай СПА.
«Я паінфармаваў Прэзідэнта Трампа аб расійскіх ударах па нашай энергетычнай сістэме — і я ўдзячны за яго гатоўнасць падтрымаць нас. Мы абмеркавалі магчымасці ўзмацніць нашу супрацьпаветраную абарону, а таксама канкрэтныя дамоўленасці, якія мы рыхтуем для забеспячэння гэтага.
Ёсць добрыя варыянты і моцныя ідэі, як рэальна ўзмацніць нас. Патрэбная гатоўнасць з расійскага боку ўдзельнічаць у сапраўднай дыпламатыі — гэта можа быць дасягнута праз сілу», — напісаў Зяленскі ў сацсетках.
Нядаўна Трамп заявіў, што «ўжо прыняў рашэнне» наконт продажу дальнабойных ракет «Тамагаўк» краінам НАТА для наступнай іх пастаўкі ва Украіну. Трамп сказаў, што хоча ведаць, што ўкраінцы плануюць рабіць з ракетамі, перш чым ён іх паставіць.
Амерыканскія крылатыя ракеты маюць значна большую далёкасць дзеяння, чым ракеты, якія Украіна атрымала дагэтуль, і лепш здольныя наносіць удары па цвёрдых цэлях, такіх як склады зброі, чым беспілотнікі, якія Украіна выкарыстоўвае зараз для дальнабойных удараў.
Уладзімір Пуцін раней заявіў, што пастаўка Tomahawk ва Украіну стане «цалкам новым, якасна новым этапам эскалацыі».
Цяпер ужо МЗС Расіі пагражае ЗША праз магчымую перадачу «Тамагаўкаў» Украіне
Пастаўкі ракет «Тамагаўк» ва Украіну малаймаверныя — Reuters
Джэй Дзі Вэнс: Расіянам трэба прачнуцца і змірыцца з рэальнасцю. Рашэнне пра «Тамагаўкі» прыме Трамп
Пяскоў пракаментаваў заявы пра магчымую пастаўку «Тамагаўкаў» Украіне
Дзядок расказаў, як паводзіў бы сябе ў сённяшняй Беларусі і што будзе далей5
Каментары
Чаму ? Калі не стане на карце свету дзяржавы Беларусь, а стане чарговая калонія pасеі, то ніякай дэмакратыі , правоў чалавека, пакою не будзе ніколі. Бо ў pасейскіх імперыях ніколі дэмакратыі не было і не будзе. Бо pасея гэта Мангольская (К. Маркс) імперыя. У Мангольскіх імперыях дэмакратыі не можа быць нават тэарэтычна .