Навіна пра тое, што Лукашэнка звольніў з пасады кіраўніка канцэрна «Беллегпрам» Таццяну Лугіну і накіраваў яе дырэктарам прадпрыемства «Камволь», выклікала ажыўленае абмеркаванне. Супрацоўнікі прадпрыемстваў лёгкай прамысловасці выказваюць песімізм адносна такой перастаноўкі і прыводзяць факты. Вінаватым у сітуацыі многія лічаць самога Лукашэнку, пішуць, што эканоміку разваліла яго некампетэнтнасць. Сабралі самыя паказальныя каментарыі з сацыяльных сетак.
На ААТ «Камволь». Фота: БелТА
«Лугіна — гэта карцінка ў тэлевізары. А тэкстыль у нас проста загінаецца»
Многія карыстальнікі адразу пачалі прыводзіць прыклады «эфектыўнасці» працы Таццяны Лугіной як кіраўніка «Беллегпрама».
«Паглядзіце, што стала з «Магатэксам», БВБА (Баранавіцкім вытворчым баваўняным аб'яднаннем — НН), тым жа «Камволем» (там быў вельмі талковы дырэктар у 2020—2022) — усё пад яе кіраўніцтвам. А склад самога канцэрна? Там працавалі талковыя людзі. Дзе яны цяпер? Лугіна — гэта карцінка ў тэлевізары. А тэкстыль у нас проста загінаецца».
«Прыкладна 8 гадоў таму яе паставілі на пасаду ў «Беллегпрам». Ставіў задачу выцягнуць у Гомелі «Камінтэрн» і «8 Сакавіка»… Выцягнула??? Не!!!! Два самыя вялікія прадпрыемствы ледзьве ліпяць».
Згадалі людзі і яе працу ў Пінску на прадпрыемстве «Палессе».
«Ну нарэшце, яна атрымае тое, што заслугоўвае. ППТА «Палессе» паклала ніжэй за плінтус, а тут увогуле хана».
«Яна ААТ «Палессе» ў Пінску не падняла, не смешыце, я ўвогуле не ведаю, за якія заслугі яе забралі ў Мінск».
«Яна ў Пінску заробак на «Палессі» зялёным гарошкам і махровымі ручнікамі выдавала!»
«Навошта чыноўніцу, якую выгналі з папярэдняй пасады, накіроўваць на такое прадпрыемства?»
Асобны блок дыскусіі прысвечаны не столькі самой Лугіной, колькі логіцы ўлады пры прыняцці такіх кадравых рашэнняў. Людзі не разумеюць, чаму неэфектыўнага, на іх думку, кіраўніка перастаўляюць на іншую адказную пасаду.
Таццяна Лугіна. Фота: lugina_tatiyana / Instagram
«Навошта чыноўніцу, якую выгналі з папярэдняй пасады, накіроўваць на такое прадпрыемства? Каб выправілася ці канчаткова патапіць? У любым выпадку, даўно час пераглядаць метады кіравання дзяржаўнымі прадпрыемствамі і весці жорсткі кантроль. Не прыватнікаў душыць, а дзяржпрадпрыемствы падымаць з каленяў».
«Калі яна там не справілася, навошта яе трымаць і даваць шанец. Шанец быў».
«То-бок загадзя неэфектыўнага кіраўніка паставілі кіраваць неэфектыўным прадпрыемствам, і яны спадзяюцца на… што? Што мінус на мінус дасць плюс, ці як?»
Каментатары бачаць у гэтым сістэмную праблему.
«Колькі можна, адно і тое ж…»
«Ад перастаноўкі месцаў складнікаў СУМА не мяняецца».
«І так па ўсёй Беларусі, таму што ўсюды прызначаныя, вось вам і вынік…»
Каго трэба ставіць?
У каментарыях гучаць і прапановы, якім павінен быць кіраўнік праблемнага прадпрыемства. Галоўная думка — гэта павінен быць не чыноўнік «зверху», а чалавек з вытворчасці, які ведае прадпрыемства знутры.
«Патрэбны вытворца, а не чыноўнік, і лепш са сваіх, хто працуе на прадпрыемстве, тады будзе вынік».
Таццяна Лугіна. Фота: lugina_tatiyana / Instagram
«Раз не справілася на адным месцы, навошта ставіць на іншае. Трэба свайго ўзрошчанага вытворцу ставіць, які прайшоў з нізоў да верху».
«30 гадоў сацыялізму вусатага»
Урэшце, многія каментатары бачаць у гэтай гісторыі праяву праблем усёй эканамічнай мадэлі, якая існуе ў краіне дзесяцігоддзямі.
«70 гадоў развітога сацыялізму… 30 гадоў сацыялізму вусатага… І пытанне: ён так і не зразумеў, што калі дзяржаўнае, то гэта значыць нічыё?»
«30 гадоў забівалі, цяпер кінулі незразумела каго на прарыў тыпу… Сорамна, напэўна, у вочы сказаць жанчыне, што ты нікудышны кіраўнік, дык вырашыў пагуляць у дабрадзея… Вынік вядомы, не дасць рады… Гэта немагчыма ўжо выправіць…»
«30 гадоў кіруе, а такі бардак. Нават паказалі яго родны калгас, дзе быў дырэктарам, і там поўны хаос».
«Чыноўнікі не спраўляюцца, сам жа ён за 30 гадоў…»
Аляксандр Лукашэнка падчас наведання Камвольнага камбіната ў снежні 2017 года. Фота: БелТА.
«Калі ласка, дапамажыце»
На фоне абмеркавання лёсу «Камволя» карыстальнікі згадваюць і іншыя прадпрыемствы галіны, якія ні жывыя ні мёртвыя, і просяць звярнуць на іх увагу.
«Калі ласка, дапамажыце ААТ «Слонімская КПФ». Такая ж сітуацыя».
«А хто выратуе «Рэчыцкі тэкстыль»?????»
«Будавалі пры Саюзе велізарныя прадпрыемствы, Баранавіцкае ВБА цягнецца па плошчы на два аўтобусныя прыпынкі, таксама цягнуць за вушы шмат гадоў, толку мала. Нашымі падаткамі гасяць іх даўгі ў тым ліку, а маглі б ісці на больш патрэбнае».
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА2626
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА26
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
«Быў пустэльнікам, але быў спакойны». Што вядома пра пенсіянера, які страляў па міліцыі ў Астравецкім раёне1919
«Быў пустэльнікам, але быў спакойны». Што вядома пра пенсіянера, які страляў па міліцыі ў Астравецкім раёне19
Памерла Таццяна Прановіч — выкладчыца журфака БДУ і дачка Івана Чыгрынава77
Памерла Таццяна Прановіч — выкладчыца журфака БДУ і дачка Івана Чыгрынава7
Рух на плошчы Бангалор у Мінску зменіцца. Новаўвядзенні глабальныя1616
Рух на плошчы Бангалор у Мінску зменіцца. Новаўвядзенні глабальныя16
Славутага беларускага псіхолага абвінавацілі ў харасменце. Праз гэта цяпер могуць быць праблемы не толькі ў яго4949
Славутага беларускага псіхолага абвінавацілі ў харасменце. Праз гэта цяпер могуць быць праблемы не толькі ў яго49
Жыгар: Лабісты Лукашэнкі неўзабаве выступяць з адкрытым лістом за «далучэнне ЕС да гуманітарнага трэку»122122
Жыгар: Лабісты Лукашэнкі неўзабаве выступяць з адкрытым лістом за «далучэнне ЕС да гуманітарнага трэку»122
У Мінску адмянілі сустрэчу з лідарам духоўнага фонду, які параўноўваюць з сектай — а планавалі сабраць «Чыжоўка-Арэну»1717
У Мінску адмянілі сустрэчу з лідарам духоўнага фонду, які параўноўваюць з сектай — а планавалі сабраць «Чыжоўка-Арэну»17
Пад Ваўчанскам загінуў 40‑гадовы «Зубр» з Аршанскага раёна. Ваяваць за Расію ён пайшоў праз даўгі99
Пад Ваўчанскам загінуў 40‑гадовы «Зубр» з Аршанскага раёна. Ваяваць за Расію ён пайшоў праз даўгі9
Гэтая кніга пра «традыцыйную жонку» стала адной з самых папулярных у 2026‑м і ўжо зацікавіла Галівуд77
Гэтая кніга пра «традыцыйную жонку» стала адной з самых папулярных у 2026‑м і ўжо зацікавіла Галівуд7
Каментары