Прэм’ер-міністр Ізраіля Біньямін Нетаньяху даручыў сваёй арміі неадкладна нанесці ўдары па сектару Газа пасля абвінавачання групоўкі ХАМАС у парушэнні перамір’я і ўвядзенні ў зман адносна вяртання целаў закладнікаў. У афіцыйнай заяве канцылярыі ізраільскага прэм'ера гаворыцца, што пасля кансультацый у галіне бяспекі прынята рашэнне пра «магутныя ўдары», піша Бі-бі-сі.
Ізраіль сцвярджае, што ХАМАС замест целаў перадаў часткі парэштак, якія ўжо раней былі вернутыя Ізраілю. Судова-медыцынская экспертыза ўстанавіла, што гэтыя парэшткі належаць Афіру Царфаты, выкрадзенаму з музычнага фестывалю Nova, цела якога знайшлі ізраільскія вайскоўцы ў 2023 годзе, а не каму-небудзь з 13 загінулых закладнікаў, целы якіх усё яшчэ знаходзяцца ў Газе, паведаміў офіс Нетаньяху).
Паводле паведамлення прэс-службы ізраільскага прэм'ера, з 16 перададзеных частак парэшткаў тры ўжо ідэнтыфікаваныя, адно цела не належыць загінуламу закладніку. Урад лічыць гэта відавочным парушэннем пагаднення аб перамір’і, якое ўступіла ў сілу 10 кастрычніка пры пасярэдніцтве ЗША.
Ізраільскія войскі таксама апублікавалі відэакадры, на якіх, паводле іх слоў, бачна, як баевікі пераносяць і хаваюць парэшткі, а затым выклікаюць прадстаўнікоў Чырвонага Крыжа і сітуацыю інсцэніруюць. Арганізацыя «Форум сем’яў закладнікаў і зніклых без вестак» прасіла ўрад і пасярэднікаў не пераходзіць да наступнага этапу пагаднення, пакуль ХАМАС не выканае ўсіх абавязкаў.
У той жа час ХАМАС абвяргае сцвярджэнні, кажучы, што не ведае месцазнаходжання ўсіх парэшткаў: праз ізраільскія бамбардзіроўкі многія месцы былі знішчаныя, людзі, што хавалі целы, загінулі або не памятаюць лакалізацыі пахаванняў. Раней ХАМАС ужо перадаў 20 жывых закладнікаў у адпаведнасці з пагадненнем.
Ізраіль дазволіў прадстаўніку ХАМАС, Чырвонаму Крыжу і егіпецкім спецыялістам увайсці за «жоўтую лінію» ЦАХАЛ у Газе пад наглядам войскаў, каб шукаць парэшткі загінулых; для гэтага прывезлі дадаткова тэхніку (экскаватары, трактары).
Рэакцыя ізраільскіх палітыкаў — вострая: ультраправыя міністры нацыянальнай бяспекі і фінансаў Ітамар Бэн-Гвір і Бецалэль Смотрыч заклікалі да больш жорсткіх дзеянняў супраць ХАМАС і да паўторных арыштаў тых, каго вызвалілі ў рамках папярэдніх абменаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
а падстава знойдзецца.
Цікава, што скажа гарант.