Высокапастаўлены дзеяч памёр 3 лістапада на 98‑м годзе жыцця ад поліарганнай недастатковасці, выкліканай ракам.
Кім Ён Нам быў з 1998 па 2019 год старшынёй прэзідыума Вярхоўнага народнага сходу КНДР, што, згодна з Канстытуцыяй, ёсць найвышэйшай службовай асобай дзяржавы. Хоць насамрэч краінай з 1950 года кіруе іншая сям'я Кімаў: Ір Сэн, Чэн Ір і Чэн Ын.
З 1994 па 2011 года фактычным кіраўніком КНДР быў Кім Чэн Ір, а з 2011 года краінай кіруе Кім Чэн Ын.
Але цяпер фармальным кіраўніком Паўночнай Карэі з'яўляецца старшыня Вярхоўнага народнага сходу Чхве Рон Хэ.
Што да Ён Нама, то ён у 1946—1952 гадах быў студэнтам гістарычнага факультэта Томскага ўніверсітэта СССР, затым Растоўскага дзяржаўнага ўніверсітэта. У 1957—1959 гадах быў аспірантам Акадэміі грамадскіх навук пры ЦК КПСС. У 1963—1967 гадах — першы намеснік міністра замежных спраў КНДР. З 1967 — намеснік загадчыка, з 1972 — загадчык міжнароднага аддзела Працоўнай партыі Карэі. З 1983 года па верасень 1998 года — намеснік прэм’ера Адміністрацыйнага савета КНДР, міністр замежных спраў КНДР.
У лютым 2018 года ўзначальваў дэлегацыю КНДР на Зімовых алімпійскіх гульнях у паўднёвакарэйскім Пхёнчхане.
Каментары
Але кім ён нам быў❓
прыемна пачуць ад Вас беларускую мову.