Амерыканскі навуковец Джэймс Уотсан, які разам з Фрэнсісам Крыкам адкрыў структуру ДНК, памёр 6 лістапада на 97‑м годзе жыцця ў хоспісе на Лонг-Айлендзе (ЗША).
Уотсан быў адным з найбольш вядомых біёлагаў і генетыкаў ХХ стагоддзя. Ён кіраваў знакамітай лабараторыяй у Колд-Спрынг-Харбары з 1968 да 2007 года. У паведамленні гэтай установы адзначаецца яго вялікі ўнёсак у развіццё навукі, адукацыі і грамадскай дзейнасці.
Разам з Фрэнсісам Крыкам Джэймс Уотсан у 1953 годзе расшыфраваў структуру малекулы ДНК. За гэтае адкрыццё Уотсан і Крык у 1962 годзе разам з Морысам Уілкінсам атрымалі Нобелеўскую прэмію па фізіялогіі і медыцыне.
Акрамя таго, Джэймс Уотсан быў першым кіраўніком праекта «Геном чалавека» і быў узнагароджаны Прэзідэнцкім медалём свабоды і Нацыянальным медалём навукі. Дзякуючы яго дзейнасці лабараторыя ў Колд-Спрынг-Харбары стала адной з вядучых навуковых устаноў свету.
Аднак у 1990‑х гадах Уотсан неаднаразова рабіў супярэчлівыя і абразлівыя выказванні, якія называлі расісцкімі. У 2019 годзе лабараторыя пазбавіла яго за гэта ўсіх ганаровых званняў і ўзнагарод.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу13
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары