«Лукашэнка-стайл». Генпракурор Польшчы выйшаў публічна пасячы дровы і даў нагоду для кпінаў
Міністр юстыцыі і генпракурор Польшчы Вальдэмар Журэк апублікаваў у сацсетцы X відэа, дзе ён паказвае, як правільна секчы дровы. Так ён павіншаваў прафесіяналаў з Сусветным днём лесаруба, які адзначаецца 12 лістапада. Аднак нават польскія каментатары адразу ж угледзелі ў гэтым падабенства з Аляксандрам Лукашэнкам, які таксама вядомы сваёй любоўю да публічнай дэманстрацыі гэтага занятку, піша Most.
«Сёння мы павучымся, як добра сячы дровы так, каб не прычыніць сабе шкоды і каб быў добры эфект. Сякера — гэта аснова. Добры інструмент, добры цурбан, роўна ўсталяваны і роўна нарэзаныя калкі. Вельмі здорава. Трохі сілы і трошкі вытрымкі», — вучыць міністр, перад тым як прыступіць да справы.
Пасля ён па-майстэрску рассякае кавалак дрэва.
«Дровы сякуць — трэскі ляцяць», — дадаў ён і павіншаваў лесарубаў.
Pozdrowienia dla Wszystkich drwali, dziś nasze święto!
12 listopada to Światowy Dzień Drwala pic.twitter.com/aoQPgsGRHd
Гэты пост не абышлі ўвагай польскія апазіцыйныя палітыкі і журналісты. Выданне DoReczy (у сістэме польскіх медыя яно характарызуецца як правае) сабрала дасціпныя выказванні, у якіх каментатары знайшлі падабенства паміж Журэкам і Лукашэнкам.
«Вучань перасягнуў настаўніка», — напісала дэпутатка Еўрапарламента ад партыі «Права і справядлівасць» Анна Залеўская і размясціла фота Лукашэнкі перад расколатым напалам цурбаном.
«Тыя самыя стандарты. Шміт вядзе сацсеткі Журэка?» — напісаў дэпутат ад таго ж «ПіСа» Дарыюш Мацецкі, маючы на ўвазе польскага суддзю Томаша Шміта, які ўцёк у Беларусь. І прыклаў відэа, дзе Лукашэнка працуе сякерай на чэмпіянаце па біцці дроў сярод беларускіх журналістаў.
«Лукашэнка-стайл», — пракаментаваў Яцэк Лізінкевіч, журналіст іншага выдання правага толку Gazeta Polska.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары