У горадзе Хмяльніцкі мясцовыя праваахоўнікі аператыўна адшукалі адну з дзвюх ільвіц, якія ўцяклі з вальераў мясцовага рэабілітацыйнага цэнтра, паведаміла агенцтва «Інтэрфакс-Украіна».
Па інфармацыі ведамства, 15 лістапада паліцыю атрымала паведамленне пра ўцёкі дзвюх ільвіц. У выніку інцыдэнту загінулі іншыя жывёлы.
Адну з ільвіц персаналу ўстановы ўдалося хутка вярнуць у вальер, а другая выбегла за межы тэрыторыі.
«Паліцыянты працавалі зладжана, перакрываючы магчымыя кірункі руху жывёлы. Неўзабаве адзін з экіпажаў пабачыў ільвіцу непадалёк ад месца ўцёкаў. Цяпер патрульныя забяспечваюць кантроль сітуацыі і разам з персаналам заалагічнага кутка вяртаюць жывёлу да месца ўтрымання», — пазначана ў паведамленні.
Па факце здарэння следчыя пачалі дасудовае расследаванне па ч. 1 арт. 299 (жорсткае абыходжанне з жывёламі) Крымінальнага кодэкса Украіны і высвятляюць усе абставіны.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары