Дзяўчына вяла прыгожае жыццё, не плацячы за паслугі б'юці-майстроў, за таксі і арэнду, а ў Threads яе назвалі «Ганнай Дэлві беларускага разліву» — па аналогіі са знакамітай ашуканкай.
Супрацоўнікі мінскай міліцыі затрымалі 23‑гадовую ўраджэнку Гомельшчыны, якая стала вядомай у сацыяльных сетках і ў медыя праз шматлікія скаргі на яе нядобрасумленныя паводзіны. Дзяўчына падазраецца ў махлярстве, звязаным з купляй адзення праз інтэрнэт, і крадзяжы з кватэры знаёмай.
Затрыманая вяла прыгожае жыццё ў Мінску, актыўна карыстаючыся паслугамі ў сферы прыгажосці, арэнды жылля і таксі, але не аплачваючы іх.
Яе асноўная схема заключалася ў адпраўцы падробленых або знікаючых чэкаў аб аплаце, пасля чаго яна знікала сама або блакавала кантакты.
Летам 2025 года яна ўжо прыцягвалася да крымінальнай адказнасці за невяртанне доўгу і была асуджаная да 180 гадзін грамадскіх работ.
У лістападзе супраць яе склалі адміністрацыйны пратакол за неаплату пасутачнай арэнды кватэры ў сталіцы, за што яна атрымала штраф у 20 базавых велічынь.
Цяпер супраць дзяўчыны распачалі дзве новыя крымінальныя справы, яна арыштаваная.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»2
Каментары