У Рэчыцкім раёне затрымалі чарговага браканьера. Цяпер мужчыну давядзецца заплаціць салідны штраф.
Як паведамляе прэс-служба Дзяржаўнай інспекцыі аховы жывёльнага і расліннага свету пры прэзідэнце, у паляўнічых угоддзях пад Рэчыцай для праверкі дакументаў спынілі аўтамабіль. У машыне былі выяўлены дзве тушкі бабра, шэсць капканаў і тры патроны да наразной зброі.
«Дакументаў на права палявання грамадзянін пры сабе не меў і патлумачыў, што незаконна здабыў баброў на меліяратыўным канале. На месца здарэння выклікалася следча-аператыўная група Рэчыцкага РАУС», — перадае Дзяржінспекцыя.
Крыху пазней у доме затрыманага знайшлі наразную зброю, дваццаць патронаў і тры рыбалоўныя сеткі.
Рэчыцкі РАСК распачаў крымінальную справу за незаконнае паляванне. Шкода, нанесеная навакольнаму асяроддзю, ацэнена ў 140 базавых велічынь (5880 рублёў).
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары