Генеральны пракурор Андрэй Швед накіраваў у Вярхоўны Суд крымінальную справу па абвінавачанні ў генацыдзе беларускага народа Ганса Зіглінга, які ўваходзіў у склад СС і ахоўнай паліцыі, паведамляе тэлеграм-канал Генпракуратуры.
Згодна з матэрыяламі справы, Зіглінг непасрэдна арганізаваў карныя аперацыі і акцыі, у ходзе якіх здзейсніў забойствы, уключаючы масавыя, знішчэнне цалкам альбо часткова 11 сельскіх населеных пунктаў.
У прыватнасці, ён пазбавіў жыцця праз расстрэлы з агнястрэльнай баявой зброі і павешанне не менш як 1706 чалавек, уключаючы не менш як 238 загадзя малалетніх дзяцей, а таксама асоб, якія знаходзіліся ў бездапаможным стане, і загадзя састарэлых. Ён жа замахваўся на забойства яшчэ не менш як 30 чалавек, прычыніў асобным цялесныя пашкоджанні рознай ступені цяжкасці, аднак не здолеў давесці злачынныя дзеянні да канца па незалежных ад яго абставінах, паведамляе Генпракуратура.
Зіглінг улетку і ўвосень 1941 года быў у Грэцыі, з лістапада 1941 года быў у Беларусі, арганізоўваў антыпартызанскія аперацыі «Бліц», «Котбус», «Херман», «Ота», падчас якіх вынішчалася мірнае насельніцтва.
У другой палове — камандзір 30‑й грэнадзёрскай дывізіі СС, затым (з 10 лютага па красавік 1945) камандаваў 30‑й дывізіяй СС «Беларусь» або 1‑й Беларускай.
Пасля вайны жыў у Баварыі, памёр у 1975 годзе.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары