Грамадзянка Кубы спрабавала незаконна ўвезці ў Беларусь камерцыйную партыю брэндавых тавараў на агульную суму 55 тысяч рублёў, паведамляе Дзяржаўны мытны камітэт.
Парушэнне выявіла мытня Нацыянальнага аэрапорта «Мінск», куды жанчына прыбыла авіярэйсам «Дубай — Мінск». Кубінка выбрала «зялёны калідор», пацвердзіўшы адсутнасць тавараў, якія патрабуюць дэкларавання.
Мытнікі, аднак, запатрабавалі праверку і падчас дадатковых формаў кантролю знайшлі ў жанчыны сумкі, акуляры, чамаданы і аксесуары брэндаў Chanel, Balenciaga, Miu Miu і Christian Dior.
Супраць жанчыны Мінскай рэгіянальнай мытняй быў распачаты адміністрацыйны працэс паводле ч. 4 арт. 15.5 КаАП Рэспублікі Беларусь. Санкцыя артыкула прадугледжвае штраф да 30% ад кошту прадметаў, якія спрабавалі ўвезці незаконна.
Бяспошлінны ліміт на ўвоз тавараў для асабістага карыстання паветраным транспартам складае да 10 тысяч еўра ў эквіваленце і да 50 кілаграмаў па вазе.
На мытні затрымалі найбуйнейшую ў гісторыі незалежнай Беларусі партыю наркотыкаў
Італьянец спрабаваў вывезці ў Беларусь скрадзены BMW коштам больш за 200 тысяч даляраў
Грамадзянін Германіі спрабаваў правезці чатыры патроны ад вінчэстэра
Беларусу не далі нелегальна ўвезці ў Польшчу акамянеласці паўмільярднага ўзросту
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары