На Случчыне са стральбой затрымалі мужчыну, падазраванага ў выкраданні дзяўчыны
У Слуцкім раёне адбылася спроба выкрадання чалавека, паведамляе ДАІ Мінскай вобласці. У міліцыю звярнуўся мясцовы жыхар і паведаміў, што невядомы мужчына сілай пасадзіў яго 18‑гадовую знаёмую ў аўтамабіль і паехаў у невядомым кірунку.
Супрацоўнікі Слуцкага РАУС неадкладна выехалі на месца. Непадалёк ад аграгарадка Лучнікі яны заўважылі аўтамабіль Opel, які адпавядаў апісанню, і падалі яму сігнал аб спыненні. Аднак кіроўца праігнараваў патрабаванне і паспрабаваў уцячы, што змусіла весці за ім пагоню.
Калі машына зменшыла хуткасць, выкрадзенай дзяўчыне ўдалося выбрацца з яе. Пасадзіўшы дзяўчыну ў службовы аўтамабіль, сілавікі працягнулі пагоню.
Кіроўца, як сцвярджаецца, неаднаразова ігнараваў патрабаванні аб спыненні, таму ўрэшце міліцыянеры выкарысталі службовую зброю.
За рулём знаходзіўся 32‑гадовы мясцовы жыхар, які раней ужо неаднаразова прыцягваўся да крымінальнай адказнасці. Ён паводзіў сябе неадэкватна, магчыма, быў пад уздзеяннем псіхаактыўных рэчываў. Мужчыну затрымалі і змясцілі ў ізалятар часовага ўтрымання, а яго біялагічныя ўзоры накіравалі на экспертызу.
Цяпер супраць яго распачалі крымінальную справу па факце выкрадання чалавека.
Цяпер чытаюць
Сталі вядомыя падрабязнасці пра трагедыю ў Полацкім манастыры8
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары