«Неверагодна — пабачыць яго сапраўдную асобу». У сацсетках завірусілася ВІДЭА з Леанарда Ды Капрыа
У сацсетках стала вірусным відэа з акцёрам Леанарда Ды Капрыа, знятае падчас рэкламнай паўзы на цырымоніі «Залаты глобус». Карыстальнікі звярнулі ўвагу, што ў гэты неафіцыйны момант акцёр паказаў сябе з нечакана жывога і эмацыйнага боку, зусім не так, як звычайна выглядае на публіцы, піша The Independent.
50‑гадовы Ды Капрыа прысутнічаў на цырымоніі ў Лос-Анджэлесе, дзе быў намінаваны за ролю ў камедыйным баявіку «Бітва за бітвай», які ў выніку атрымаў чатыры ўзнагароды. Хоць вядучая Нікі Глейзер пажартавала з яго прыватнага жыцця і звычкі сустракацца з маладымі жанчынамі, найбольшую ўвагу гледачоў прыцягнуў менавіта эпізод за кадрам.
На відэа відаць, як Ды Капрыа эмацыйна размаўляе з іншай госцяй — меркавана, са сваёй калегай па фільме Чэйз Інфініці, якая з’яўляецца вялікай аматаркай K-pop. Акцёр жартаўліва імітуе яе рэакцыю на поспех мультфільма «KPop: паляўнічыя на дэманаў», які атрымаў дзве ўзнагароды, у тым ліку за найлепшую песню.
Звычайна Ды Капрыа вядомы стрыманымі паводзінамі і закрытасцю, таму шмат хто ўспрыняў гэты момант як рэдкую магчымасць убачыць, якім ён бывае ў коле сяброў. У каментарах пісалі, што гэта «неверагодна — пабачыць яго сапраўдную асобу», і што яго афіцыйны імідж, магчыма, і быў галоўнай «роляй» увесь гэты час. Некаторыя нават пажартавалі, што гэты кліп можна лічыць новай акцёрскай працай Ды Капрыа.
Ёсць таксама версія, што Ды Капрыа насамрэч размаўляў не з Інфініці, а са сваёй сяброўкай Джэніфер Лоўрэнс, з якой ён здымаўся ў фільме «Не глядзіце наверх».
Раней падчас цырымоніі Нікі Глейзер пажартавала, што галоўнае дасягненне акцёра — гэта паспяховая кар’ера, якую ён паспеў пабудаваць яшчэ да таго, як яго дзяўчына дасягнула 30 гадоў. Ды Капрыа адрэагаваў на жарт спакойна. Раней яго партнёркамі былі значна маладзейшыя мадэлі, а цяпер ён сустракаецца з 27‑гадовай італьянкай Віторыяй Чарэці.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары
Бастыён беларушчыны як ёсць. Пабудаваны маскалямі.