На відэа, якое стала вірусным у сацсетках, бачна сабаку, які бяжыць, а перад ім на лясную сцежку па чарзе выходзяць пяць магутных зуброў. Аўтарка відэа адзначыла, што гэта яшчэ не ўвесь статак — некалькі звяроў у кадр не трапілі, піша Blizko.by.
Месца здымкі відэа — Бярэзінскі раён, непадалёк ад вёскі Чыжаха.
Карыстальнікі адзначалі, што гэта вельмі маляўнічая мясцовасць, дзе можна ўбачыць розных лясных жыхароў:
«У тых лясах можна сустрэць каго заўгодна. Аднойчы за вёскай Вяшэўка я сустрэў пару — ваўка і ваўчыцу. Мы спакойна разгледзелі адзін аднаго метраў з дзесяці і гэтак жа мірна разышліся ў розныя бакі. А на ўскрайку таго ж лесу бачыў мядзведзіцу з медзведзянём, яны там нешта ці кагосьці жэрлі. Праўда, назіраў за імі з адлегласці ў метраў 100+, але ўражанняў усё адно атрымаў вышэй за дах».
Каментары