Улюбёны ласунак зуброў назвалі ў паляўнічай гаспадарцы — яго даюць круглы год
У паляўнічых гаспадарках Беларусі пачалі зімовую падкормку зуброў, паралельна з якой праходзіць і ўлік гэтых жывёл.
Няпроста даводзіцца егерам паляўнічай гаспадаркі «Азёры» ў Гродзенскім раёне, бо там жыве адзін з найбуйнейшых статкаў у краіне — 509 асобін (трэці па колькасці ў Беларусі), паведамляе тэлерадыёкампанія «Гродна».
Для такой колькасці зуброў на зіму нарыхтоўваюць 50 т сена, 100 т буракоў і 50 т яблыкаў. У меню таксама ёсць злакавыя.
Корм у зуброў павінен быць пажыўным і напоўненым вітамінамі. Пры неабходнасці ў ежу жывёлам могуць дадаваць мінеральныя комплексы і нават лекі
Выкладку кармоў пачынаюць у жніўні, расказаў галоўны спецыяліст паляўніча-рыбалоўнай гаспадаркі СПК «Азёры Гродзенскага раёна» Станіслаў Басько.
Але ёсць адзін ласунак, якім частуюць зуброў круглы год. Па яго да кармушак прыходзяць нават самыя асцярожныя асобіны. Гэта беларуская соль.
Калі жывёлы прыходзяць падсілкавацца, супрацоўнікі паляўнічай гаспадаркі за імі ўважліва назіраюць.
Калі гэта не атрымліваецца зрабіць удзень, то ноччу на дапамогу прыходзяць цеплавізары.
Галоўная задача — палічыць, колькі зуброў у статку, зафіксаваць колькасць маладняку — за год нарадзілася больш за 50 зубранят.
Паколькі статак расце, спецыялісты фарміруюць групы, каб перасяліць яго частку ў іншыя рэгіёны. Ужо вырашана адправіць 10 асобін у Лагойскі раён. Адселяць жывёл і ў Гомельскую абласную паляўнічую гаспадарку. Такі падыход дапамагае захоўваць папуляцыю чырвонакніжных зуброў.
Каментары
Только не сказано,для каких животных такое лакомство.
Или же это не для животных )