«На якім рэйсе ён часцей за ўсё?» У сеціве завірусіўся прыгожы сцюард «Белавіі»
У каментах збіраюцца шукаць хлопца на рэйсах.
Карыстальніца сацсеткі Threads апублікавала кароткі ролік са сцюардам, які працуе на адным з рэйсаў «Белавіі». У відэа ўсмешлівы малады чалавек, апрануты ў форму сцюарда, налівае падчас рэйса напой у кубачак і падае яго пасажыру. Хлопец заўважае, што яго здымаюць, і радасна ўскідвае бровы.
У роліка ўжо амаль 4 тысячы лайкаў і больш за 100 каментароў. Дзяўчаты не хаваюць свайго захаплення дружалюбным сцюардам:
«Вельмі захацелася кудысьці злятаць».
«Усё, цяпер лётаю толькі «Белавіяй».
«Патрабую штомесячна прэмію для гэтага маладога чалавека! Дзякуючы яму хочацца жыць на борце».
«На якім рэйсе ён часцей за ўсё?».
У каментары прыйшоў і сам хлопец. Завуць яго Сяргей Варановіч. Хлопец вядзе невялічкі тэлеграм-канал пра сваю працу, і, паводле інфармацыі адтуль, адпрацаваў на сваім першым рэйсе ў ліпені 2025 года. З таго часу яму давялося, напрыклад, разам з «Белавіяй» наведаць Кітай і Санкт-Пецярбург, лётаў ён і на марское ўзбярэжжа.
Сяргей таксама любіць бегаць і нават удзельнічаў у забегах на перасечанай мясцовасці.
«Наша Нiва» — бастыён беларушчыны
ПАДТРЫМАЦЬ
Дзядок расказаў, як паводзіў бы сябе ў сённяшняй Беларусі і што будзе далей5
Каментары