Праваслаўнага блогера, «героя СВА», пасадзілі на 15 гадоў за згвалтаванне чацвёртакласніцы
У Санкт-Пецярбургу суд агучыў прысуд 32‑гадоваму Клаўду Ромелю, які быў вядомы як праваслаўны блогер і ўдзельнік ваенных дзеянняў ва Украіне. Яго прызналі вінаватым у згвалтаванні і рэгулярным сэксуальным гвалце над дзесяцігадовай дзяўчынкай. За гэтыя злачынствы мужчына атрымаў 15 гадоў зняволення, піша тэлеграм-канал «Осторожно, новости».
Гісторыя пачалася з таго, што Ромель жыў разам са сваёй 46‑гадовай калегай, у якой была малая дачка. З часам блогер адсяліў дзіця ад маці ў свой пакой. Ён пачаў здымаць дзяўчынку ў сваім праваслаўным блогу на YouTube, робячы яе галоўнай гераіняй ролікаў.
Зімой 2023 года мужчыну злавілі ў ложку з дзіцём. Тады ён не стаў адмаўляць, што кранаў дзяўчынку, але спрабаваў апраўдацца тым, што гэта быў нібыта «медыцынскі масаж». Крымінальную справу завялі пасля заявы хроснай маці пацярпелай.
Цікава, што незадоўга да арышту Ромель апублікаваў відэа, у якім разважаў пра лёс дзіцяці. Ён казаў, што дзяўчынцы наканавана «несці свой крыж», і пераконваў, што жыццё ў прытулку будзе для яе лепшым варыянтам, чым вяртанне да маці. Сама дзяўчынка тады таксама прасілася ў прытулак, дзе яна знаходзіцца і цяпер.
Калі пачалося следства, Ромель паехаў на фронт. У гэты перыяд расійскія дзяржаўныя медыя і праваслаўны канал «Царьград» стваралі яму станоўчы імідж. Яго паказвалі як героя і прыкладнага апекуна, які выхоўвае дзяўчынку з васьмі гадоў. Ён нават выступаў з лекцыямі ў навучальных установах, пакуль ішло расследаванне справы аб гвалце.
Топ-чыноўнік РПЦ назваў Зяленскага, Парашэнку і іншых прэзідэнтаў Украіны «сатаністамі» і заклікаў перамагчы іх малітвай і пастом
Расійская разведка рэзка наехала на канстанцінопальскага патрыярха
Патрыярх Кірыл звольніў кіраўніка РПЦ у Заходняй Еўропе за захапленне покерам
Патрыярх Кірыл назваў праваслаўныя храмы «духоўнымі бензакалонкамі»
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары