Тур The Long Goodbye стане для Eagles апошнім. Гурт быў заснаваны ў 1971 годзе.
Амерыканскі рок-гурт Eagles, які стварыў такі хіт, як Hotel California, афіцыйна пацвердзіў завяршэнне сваёй 55‑гадовай кар'еры.
У інтэрв’ю CBS Sunday Morning сузаснавальнік калектыву Дон Хэнлі заявіў, што 2026 год, імаверна, стане апошнім у гастрольнай гісторыі гурта.
Каментуючы фінальны этап туру The Long Goodbye, артыст адзначыў, што Eagles плануюць адыграць яшчэ некалькі канцэртаў, пасля чаго канчаткова развітаюцца са сцэнай: «Ведаеш, думаю, гэты год, імаверна, стане апошнім. Я і раней казаў нешта падобнае, але цяпер адчуваю, што мы сапраўды набліжаемся да фіналу. І з гэтым усё ў парадку».
Гурт быў заснаваны ў 1971 годзе ў Лос-Анджэлесе, яго стварылі Глен Фрай, Дон Хэнлі, Берні Лідан і Рэндзі Майснер. Сусветную славу ім прынёс Hotel California, але вядомыя таксама і Take It Easy, Desperado, Take It to the Limit.
Альбом Their Greatest Hits (1971—1975) разышоўся накладам больш за 40 мільёнаў копій толькі ў ЗША.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку
Каментары