У сеціве апублікавалі першыя кадры ваеннай меладрамы «Альпійская балада», якую здымаюць паводле аднайменнай аповесці Васіля Быкава. Гэты праект стаў супольнай працай расійскіх і сербскіх кінематаграфістаў, піша «Кинопоиск».
Здымкі праходзяць на Балканах, а дзеянне фільма разгортваецца ў 1943 годзе. Галоўную ролю савецкага салдата Івана, які ўцякае з канцлагера ў італьянскіх Альпах, выконвае расійскі акцёр Іван Янкоўскі (ён вядомы па ролях, напрыклад, у серыялах «Слова пацана» і «Аўтсорс»).
Падчас уцёкаў герой сустракае нямецкую кіназорку Дытэра Шульцэ, якога іграе Мілаш Біковіч, а таксама італьянскую антыфашыстку Джулію (Дэніз Сардзіска). Трое герояў праводзяць разам тры дні і, нягледзячы на розныя мовы, знаходзяць паразуменне.
На фоне маляўнічых краявідаў разгортваецца гісторыя кахання паміж Іванам і Джуліяй, якія вымушаныя змагацца з голадам, пераследам і пастаяннай пагрозай смерці.
Рэжысёрам стужкі стаў Андрэй Багатыроў, вядомы па фільмах «Чырвоны прывід» і «Вампіры сярэдняй паласы». Прэм’ера фільма запланаваная на вясну 2027 года.
Аповесць «Альпійская балада» лічыцца адной з самых вядомых у творчасці Быкава і перакладзена больш чым на 50 моў. Гэта ўжо другая яе экранізацыя: каля 60 гадоў таму фільм паводле гэтага твора зняў Барыс Сцяпанаў, а галоўныя ролі выканалі Любоў Румянцава і Станіслаў Любшын.
На развітанне з удавой Васіля Быкава прыйшлі 8 чалавек
У афіцыйны Пантэон герояў запісалі тэрарыста, але там не будзе франтавіка Васіля Быкава. Затое будзе праваслаўны, які Хрысту ногі рэзаў
У Франкфурце-на-Майне абмяркуюць магчымасць усталявання памятнай шыльды Васілю Быкаву
Сядзібу Быкава ўзялі пад асаблівую ахову дзяржавы
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары