У найбліжэйшы час перастануць працаваць паштовыя скрынкі tut.by
Са слоў крыніцы выдання Tochka.by, у Беларусі прынялі рашэнне цалкам спыніць функцыянаванне рэсурсаў, звязаных з tut.by. Ці не адзіным з такіх дагэтуль заставалася электронная пошта.
З пачатку 2026 года беларускія юрыдычныя асобы атрымліваюць патрабаванні ад органаў выканаўчай улады карыстацца толькі абароненымі паштовымі сэрвісамі, размешчанымі ў нацыянальным сегменце інтэрнэту. Гэта прапісана ва ўказе Лукашэнкі № 60.
Пры гэтым забаронена выкарыстоўваць рэсурсы, звязаныя з «экстрэмісцкай дзейнасцю». Асаблівую ўвагу пры гэтым звярнулі на tut.by, які ўключаны ў спіс інтэрнэт-рэсурсаў з абмежаваным доступам.
Найбуйнейшы ў Беларусі інфармацыйны рэсурс Tut.by быў прызнаны «экстрэмісцкім» і заблакаваны ў 2021 годзе. Цяпер яго справу працягвае выданне «Люстэрка».
Паштовы сэрвіс Tut.by да 2009 года быў самастойны, пасля перайшоў на платформу Google, а з 2015‑га працуе на платформе «Яндэкса».
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
(Не mail.ru, вядома ж).
Пасля выдаліце ўсе пісьмы са скрыні.
Магчыма, яндэкс будзе некаторы час даваць зайсці на пошту праз веб-інтэрфейс, але самі пісьмы на гэтую пошту даходзіць не будуць.
Магчыма, яндэкс прыдумае нешта, напрыклад, новае паштовае імя для той жа скрыні.
Не чапляйцеся.
Імя прыгожае, нацыянальнае настальгічнае, але яно даўно пад кантролем Расеі, як і ўся вашая перапіска.
Дарэчы, гэта не толькі вашая асабістая справа, але і справа вашых паштовых абанентаў, чыю пісьмы вы таксама аддаяце захоўваць у небяспечнае месца.