12 лютага ў Шчомысліцы пад Мінскам адбылося частковае зрушванне канструкцыі даху ў памяшканні, якое арандуе кампанія Wildberries для свайго сартавальнага цэнтра. Паводле інфармацыі кампаніі, дакладныя прычыны здарэння павінны вызначыць спецыялісты МНС пасля праверкі, піша «Мінская праўда».
Усіх супрацоўнікаў і падрадчыкаў, што знаходзіліся ў будынку, аператыўна эвакуявалі. Пацярпелых няма. Да завяршэння праверак і ліквідацыі магчымых рызык доступ у памяшканне часова абмежаваны.
У кампаніі адзначылі, што сітуацыя носіць лакальны і часовы характар. Таварныя патокі перанакіраваныя на іншыя аб’екты ў мінскім рэгіёне.
Напрыканцы мінулага года побач са сталіцай пачалі працаваць яшчэ два сартавальныя цэнтры — у Хацежыне і Прывольным. Іх агульная магутнасць дасягае да 300 тысяч тавараў на суткі.
Партнёрам пры неабходнасці раяць адгружаць прадукцыю ў сартавальныя цэнтры ў Брэсце, Гомелі, Гродне і Оршы.
Для прадаўцоў, якія працуюць па мадэлі «Маркетплэйс», пашыраная сетка пунктаў выдачы заказаў. Яны могуць наўпрост дастаўляць тавары ў гэтыя пункты, абыходзячы склады і сартавальныя цэнтры.
Усе прадаўцы ўжо атрымалі паведамленні ў асабістых кабінетах пра часовае змяненне лагістычнай схемы. Паводле кампаніі, на гэты момант заказы прымаюцца і дастаўляюцца без затрымак.
Wildberries і Ozon злавілі на продажы італьянскай макароны
Некаторыя іпэшнікі з новага года не змогуць гандляваць праз маркетплэйсы
На Wildberries можна будзе плаціць крыптавалютай
«Чакаю тавар ужо 13 дзён». Што пішуць кліенты аб праблемах Wildberries
На складзе Wildberries пад Мінскам збіраюцца шматгадзінныя чэргі
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?1
Каментары