Міністр здароўя ЗША: Я не баюся бактэрый, аднойчы я нюхаў какаін з сядзення ўнітаза
У папулярным падкасце Тэа Вона This Past Weekend міністр здароўя ЗША Роберт Ф. Кенэдзі-малодшы расказаў пра сваё цяжкое мінулае, звязанае з наркатычнай залежнасцю, праз якую, паводле яго слоў, яму дагэтуль даводзіцца кожны дзень наведваць групы падтрымкі, паведамляе The Guardian.
Кенэдзі адзначыў, што не прапускаў такія сустрэчы і падчас пандэміі каранавіруса, калі многія публічныя мерапрыемствы былі абмежаваныя, і менавіта там ён пазнаёміўся з вядучым падкаста Вонам.
«Я не баюся бактэрый. Я аднойчы нюхаў какаін з сядзення ўнітаза», — прызнаўся Кенэдзі ў эпізодзе, які выйшаў 12 лютага.
Гэтыя словы выклікалі крытыку з боку праваабарончай арганізацыі ў сферы аховы здароўя Protect Our Care. Прэзідэнт арганізацыі Брэд Вудхаўс выступіў пасля таго з кароткай заявай: «Пайдзі ў адстаўку».
У Protect Our Care заявілі, што выказванні Кенэдзі наглядна дэманструюць, чаму ён не падыходзіць для кіраўніцтва такім важным федэральным ведамствам. На думку праваабаронцаў, падобнае стаўленне міністра пацвярджае, што ён з'яўляецца небяспечным выбарам на чале сістэмы аховы здароўя ЗША.
Арганізацыя нагадала, што какаін у 2023 годзе быў звязаны амаль з 30 000 смерцяў ад перадазіроўкі за год у Злучаных Штатах. У такім кантэксце, падкрэслілі там, словы міністра выглядаюць безадказнымі.
Прэс-сакратар Міністэрства здароўя ЗША Эндру Ніксан у адказ на крытыку заявіў, што пад кіраўніцтвам Кенэдзі ведамства выкарыстоўвае ўсе свае паўнамоцтвы, каб дабівацца вынікаў для амерыканцаў, і працягне тую ж лінію ў 2026 годзе, ставячы ў прыярытэт інтарэсы пацыентаў і грамадскую ахову здароўя.
Кенэдзі і раней адкрыта расказваў пра сваю шматгадовую нарказалежнасць. У красавіку 2025 года на канферэнцыі ў Нэшвіле ён казаў, што ягоныя палітычныя погляды шмат у чым сфарміраваліся пад уплывам 14‑гадовай залежнасці ад гераіну, якую ён пераадолеў пасля затрымання ў 1983 годзе і пачатку лячэння.
Міністр здароўя ЗША купаўся з унукамі ў рацэ, дзе гэта рабіць строга забаронена
Роберт Ф. Кенэдзі-малодшы зацверджаны на пасадзе міністра аховы здароўя ЗША
Трэці кандыдат. У Роберта Кенэдзі-малодшага ўсё больш шанцаў уключыцца ў прэзідэнцкую гонку ў ЗША
У кандыдата ў прэзідэнты ЗША ў галаве знайшлі паразіта. Ён мог з'есці частку мозгу
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары