У мінскім гандлёва-забаўляльным цэнтры Palazzo адкрыўся новы фудхол пад назвай Foresto. Яго галоўная асаблівасць — субтрапічны сад проста ўнутры прасторы: паміж столікамі размешчаныя сотні жывых раслін.
Усяго тут больш за 280 раслін — ад шматгадовых кветак да карлікавых дрэў і зялёных фіта-сцен. Ёсць і рэдкія віды, якія, паводле стваральнікаў праекта, амаль не сустракаюцца ў Беларусі. Пад столлю ўсталявалі 286 шарападобных свяцільняў, якія нагадваюць маленькія «сонцы», а таксама дадалі дэкаратыўную зялёную інсталяцыю, што стварае ўражанне ляснога полагу.
Foresto з’явіўся на месцы былога фудкорта на трэцім паверсе. Прастору павялічылі і цалкам абнавілі інтэр’ер. Паводле інфармацыі, у праект уклалі каля аднаго мільёна даляраў.
У гандлёвым цэнтры разлічваюць, што новы «гарадскі аазіс» стане прывабным месцам для жыхароў усіх раёнаў Мінска.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары