Па справе Гаюна асудзілі Настассю з Віцебска, якая рабіла кар'еру ў вялікіх кампаніях у Расіі
Настасся Зверава атрымала прысуд за «садзейнічанне экстрэмісцкай дзейнасці».
Настассі Зверавай 40 гадоў, яна родам з Віцебска. Доўгі час жыла ў Маскве.
У 2017 годзе яна кіравала аддзелам па працы з кліентамі ў міжнароднай кампаніі «Сэн-Габэн Будаўнічая Прадукцыя». Пазней была супрацоўніцай расійскага прадстаўніцтва дацкай карпарацыі Danfoss. Пасля сыходу заходніх брэндаў з Расіі гэты бізнэс працягнуў працу пад назвай «Рыдан РНД». Гэта кампанія, якая распрацоўвае праграмнае забеспячэнне, інжынерную аўтаматыку і воблачныя рашэнні для сістэм цепла– і холадазабеспячэння.
Настассю Звераву затрымалі напрыканцы 2025 года, да суда жанчына правяла ў зняволенні каля трох месяцаў. Віцебскі абласны суд прызнаў яе вінаватай паводле частак 1 і 2 артыкула 361‑4 Крымінальнага кодэкса Беларусі (садзейнічанне экстрэмісцкай дзейнасці). Па гэтым артыкуле звычайна судзяць тых, хто адпраўляў паведамленні ў чат-бот маніторынгавага праекта «Беларускі Гаюн».
Па звестках праваабарончай арганізацыі Dissidentby, жанчыне прысудзілі 3 гады і 6 месяцаў хатняй хіміі.
«Наша Нiва» — бастыён беларушчыны
ПАДТРЫМАЦЬ
Каментары
Адзінае, што радуе, што амаль усім даюць не калонію, а хатняю хімію. Я так разумею, гэта праз згоду Матолько зачыніць "Гаюн".