«Мы ў парадку, трымаемся цвёрда, спакойна і ў пастаяннай малітве».
Былы прэзідэнт Венесуэлы Нікалас Мадура і яго жонка Сілія Флорэс перадалі пасланне з амерыканскай турмы.
У сацсетцы X ад іх імя апублікавалі словы падзякі прыхільнікам.
«Мы ў парадку, трымаемся цвёрда, спакойна і ў пастаяннай малітве», — гаворыцца ў паведамленні.
«Сёння як ніколі мы заклікаем працягваць умацоўваць мір у краіне, нацыянальнае адзінства, прымірэнне, прабачэнне і новае збліжэнне паміж усімі».
Крыніца, блізкая да ўрада Венесуэлы, паведаміла агенцтву AFP, што Мадура ў турме чытае Біблію, а некаторыя з іншых зняволеных у Бруклінскім цэнтры ўтрымання пад вартай (федэральнай турме, вядомай сваімі антысанітарнымі ўмовамі) называюць яго «прэзідэнтам».
Яму дазволена размаўляць па тэлефоне толькі з сям'ёй і адвакатамі, працягласць кожнага званка не можа перавышаць 15 хвілін.
Мадура і яго жонку захапілі ў іх рэзідэнцыі ў ноч на 3 студзеня 2026 года ў выніку амерыканскай спецаперацыі. Пасля гэтага іх даставілі ў турму ў Нью-Ёрку.
У ЗША ўжо пачаўся суд над Мадура. Яму можа пагражаць ад 20 гадоў зняволення.
Мінчанка Ангеліна, якая прасіла ў Лукашэнкі кватэру за тройню, атрымала жыллё22
Каментары