У Мінску ў цяплічным камбінаце пачнуць вырошчваць не толькі звычайныя чырвоныя памідоры, але і новыя гатункі — жоўтыя і так званыя шакаладныя. Пра новыя планы паведаміў кіраўнік прадпрыемства Сяргей Некрашэвіч, піша агенцтва «Мінск-Навіны».
Паводле слоў Сяргея Некрашэвіча, у продаж таксама паступіць новы від салаты, а вытворчасць таматаў чэры значна павялічыцца: калі раней збіралі каля 300 кілаграмаў у дзень, то цяпер — больш за тону.
Першы ўраджай новых сартоў памідораў плануюць атрымаць ужо ў красавіку, калі надвор’е будзе спрыяльным.
Акрамя гэтага, у мінулым годзе на прадпрыемстве павялічылі вытворчасць баклажанаў на 20%, а перцаў — у чатыры разы. Сёлета плошчы застануцца ранейшымі, але дзякуючы паляпшэнню тэхналогій плануюць яшчэ на 15% павялічыць іх вырошчванне.
Таксама прадпрыемства павінна забяспечыць горад не менш як 50 тысячамі кустоў руж. Для ўпрыгожвання Мінска падрыхтавалі кветкавую рассаду — яе высадзяць у каля 12 тысяч кашпо, якія размесцяць уздоўж дарог, улічваючы надвор’е.
-
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве
-
«Можа, Корж мяне і не памятае». Нобелеўскі лаўрэат Алесь Бяляцкі расказаў, адкуль ведае Ваню Дзмітрыенку і Макса Каржа
-
Прапагандысты спыталі ў беларусаў, ці не варта ў краіне заблакаваць YouTube
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве20
Каментары