Найбуйнейшы тэрмінал Расіі на Чорным моры спыніў экспарт нафты пасля атакі ўкраінскіх дронаў
Найбуйнейшы нафтавы тэрмінал Расіі на Чорным моры — «Шэсхарыс» у Новарасійску — спыніў экспарт нафты пасля атакі ўкраінскіх дронаў. Паводле інфармацыі крыніц Reuters, удар беспілотнікаў адбыўся ў ноч на 6 сакавіка і выклікаў моцныя пажары ў порце і на тэрмінале.
З-за гэтага вываз нафты часова спыніўся. Звычайна праз «Шэсхарыс» адпраўляюць да аднаго мільёна бараляў нафты ў суткі. Яго прыпыненне не дазваляе Расіі ў поўнай меры карыстацца высокімі цэнамі на нафту.
Паведамляецца, што ў порце пакуль не могуць дакладна ацаніць маштаб шкоды. У выніку праблем з адгрузкай нафты ў балтыйскіх і чарнаморскіх партах у кампаній збіраюцца запасы, што можа прывесці да скарачэння здабычы.
Тэрмінал «Шэсхарыс» належыць кампаніі «Транснафта» і адыгрывае важную ролю ў экспарце нафты, забяспечваючы значную частку марскіх паставак, а таксама адгрузку нафтапрадуктаў.
Акрамя таго, у іншых рэгіёнах таксама ёсць перабоі: раней адбываліся атакі на нафтаперапрацоўчы завод «Лукойла» ў Ніжагародскай вобласці, пасля чаго ён часова спыніў працу і продаж паліва.
У той жа час у некаторых партах, напрыклад у Усць-Лузе Ленінградскай вобласці, пасля перапынку адгрузка нафты часткова аднавілася.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары
- заявил директор Ростовского морга 🇷🇺 ...