Упаў на вачах першакласнікаў — новыя падрабязнасці падзення мотадэльтаплана
Учора ўдзень, 14 красавіка, побач з музеем у Строчыцах разбіўся мотадэльтаплан. У выніку крушэння загінулі пілот Руслан Іваноў і яго 26‑гадовая пасажырка. Сведкамі трагедыі сталі першакласнікі адной з мінскіх школ, якія прыехалі ў той дзень у музей этнаграфіі на экскурсію. Пра гэта журналісту Onlíner распавёў бацька аднаго са школьнікаў.
— Учора маё дзіця было на экскурсіі ў этнаграфічным музеі ў Строчыцах. Як я зразумеў, туды павезлі жадаючых з усёй паралелі. Калі мы ішлі з дзіцём дадому, ён пачаў распавядаць, што падчас экскурсіі бачыў, як узлятаў, а потым падаў дэльтаплан, як пасля прыехалі хуткія. Спачатку я падумаў, што дзіця проста пераказвае нейкі сюжэт з гульні, але вечарам, пачытаўшы навіны, зразумеў, што дзеці бачылі ўсё ў рэальнасці.
Настаўніца, якая суправаджала дзяцей падчас экскурсіі, удакладніла, што ў паездцы былі не толькі першакласнікі, але і вучні другіх класаў.
— Мы стаялі каля вясковай школы, калі ўзляцеў мотадэльтаплан. Дзеці, натуральна, сталі сачыць за палётам. Літаральна праз секунд дваццаць ён стаў рэзка зніжацца. Было зразумела, што ён падае. Мы знаходзіліся досыць далёка ад таго месца, таму толькі чулі гук удару апарата аб зямлю. Мы прабылі на экскурсіі яшчэ хвілін дваццаць і з’ехалі. Бачылі толькі, як да таго месца імчаліся хуткія і ратавальнікі. Жахліва, вядома, усведамляць, што ты стаў сведкам такой трагедыі…
Аэраклуб «Авія-Менск» размешчаны ў аграгарадку Азярцо на тэрыторыі Беларускага дзяржаўнага музея народнай архітэктуры і побыту. Яго ўзлётна-пасадачная паласа знаходзіцца трохі ў баку ад экскурсійных маршрутаў.
— Учора ў нас было 13 экскурсійных груп, — распавялі ў музеі. — У групах звычайна бывае ад 12 да 25 дзяцей. Учора я не працавала, але дакладна ведаю, што экскурсійныя маршруты не праходзілі блізка да месца падзення — каля млына.
— Мы не змаглі дазваніцца да заснавальніка аэраклуба Дзмітрыя Маткоўскага — абодва яго нумары недаступныя з самай раніцы. Не падкажаце, што з палётамі зараз? — спыталі карэспандэнты.
— Усё, што нам вядома, — гэта тое, што палёты прыпыненыя на нявызначаны тэрмін.
Мотадэльтаплан разбіўся ў раёне 15 гадзін у канцы ўзлётна-пасадачнай паласы, непадалёк ад млына. У выніку падзення загінулі пілот Руслан Іваноў і яго 26‑гадовая пасажырка.
«Разбіліся непадалёк ад млына». Што кажуць мясцовыя пра дэльтаплан, які разбіўся ўчора
Пілот, які разбіўся на дэльтаплане пад Мінскам, — гітарыст гурта «Цвет Алоэ»
Пілот вываліўся, пасажырка засталася ў небе адна — падрабязнасці катастрофы з дэльтапланам пад Мінскам
Пад Мінскам два чалавекі разбіліся на дэльтаплане
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы2
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары