Яму было 92 гады.
На 93-м годзе жыцця памёр вядомы расійскі кампазітар Радзівон Шчадрын.
«Радзівон Шчадрын — гэта ўнікальная з’ява і эпоха ў жыцці сусветнай музычнай культуры. Яго оперы, балеты і сімфанічныя творы на працягу многіх дзесяцігоддзяў з вялікім поспехам выконваюцца на ўсіх буйнейшых сцэнах свету. Бясцэнная творчая спадчына Шчадрына нязменна знаходзіць водгук у сэрцах публікі», — гаворыцца ў спачуваннях Вялікага тэатра.
Шчадрын — аўтар сямі опер, пяці балетаў, трох сімфаній, чатырнаццаці канцэртаў, шматлікіх твораў камернай, інструментальнай, вакальнай, харавой і праграмнай музыкі, а таксама музыкі да кіно і тэатральных пастановак. Ён узначальваў Саюз кампазітараў СССР.
Ягонай жонкай была знакамітая балярына Мая Плісецкая. З 1990-х Шчадрын і Плісецкая жылі ў Мюнхене, але з пачатку 1990-х у іх было грамадзянства Літвы.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары