U Maskvie raptam źjaviłasia mahiła baleryny Plisieckaj i kampazitara Ščadryna, choć sami jany jaje nie chacieli
Słavutaja rasijskaja baleryna Maja Plisieckaja chacieła, kab paśla śmierci jaje samoj i jaje muža, kampazitara Radzivona Ščadryna, abodvuch kremiravali, źmiašali prach i raźviejali jaho nad rakoj Aka. Nibyta tak urešcie i adbyłosia. Adnak dniami vyśvietliłasia, što častku prachu ŭsio ž pakinuli i pachavali na Novadziavočych mohiłkach u Maskvie. Pry hetym pra heta nie viedali navat svajaki.
Pachavańnie prajšło niepublična, i pra heta nie paviedamili navat blizkim. Pa słovach žurnalista i teatralnaha krytyka Siarhieja Nikałajeviča, pra fakt pachavańnia prachu nie viedaŭ navat brat baleryny. Svajaki daviedalisia pra mahiłu vypadkova — kali adzin ź ich apynuŭsia na hetych prestyžnych mohiłkach pa inšaj spravie.
Pry hetym jość infarmacyja, što na zakrytaj cyrymonii prysutničali asobnyja rasijskija ŭpłyvovyja asoby, u pryvatnaści kiraŭnik Vialikaha teatra Valeryj Hierhijeŭ i byłaja vysokaja čynoŭnica Volha Haładziec.
Čamu tak adbyłosia, skazać dakładna pakul ciažka. Raniej było viadoma, što sužency, jakija pražyli ŭ šlubie 57 hadoŭ, pakinuli sumiesny testamient, dzie paznačyli svaju apošniuju volu:
«Cieły našyja paśla śmierci spalić, a kali nastanie sumnaja hadzina sychodu, naš prach złučyć razam i raźviejać nad Rasijaj».
Maja Plisieckaja nie lubiła pachavalnych rytuałaŭ, nie była relihijnym čałaviekam i ideja ab raźviejvańni prachu naležała joj. Nie vyklučana, adnak, što Radzivon Ščadryn, jaki pieražyŭ žonku na 10 hadoŭ i pamior u žniŭni minułaha hoda, moh źmianić naprykancy žyćcia raniejšaje rašeńnie. Ale zastajecca niezrazumiełym, čamu tady ŭsio było zroblena ŭ takoj tajamnicy.
89‑hadovaja Majia Plisieckaja pajšła z žyćcia ŭ mai 2015 hoda ad sardečnaha prystupu. Radzivon Ščadryn pamior u žniŭni 2025 hoda na 93‑m hodzie žyćcia.
Kamientary
ALE Šmat sarkazma ironii u jutubie ..postsaŭdepaŭskim jazykatam i ni tolki nakont vybačańnia pryznańnia pamyłki Takieram Karłsanam
I pytańnie
Niechta z zorak pijara pievunoŭ aktoraŭ režysieraŭ žurnalistaŭ palatołahaŭ piśmieńnikaŭ paetpŭ svaje pamyłki pryznał vybačyłsia pierad biełarusami kazachami ukraincami...darahimi dobrymi ni zusim amal ni dobrymi rasijanami za padtrymku......proźvišča sami uzhadajcie