У індыйскім штаце Асам хуткасны пасажырскі цягнік сутыкнуўся са статкам сланоў, якія пераходзілі чыгуначныя рэйкі. Нягледзячы на тое, што машыніст заўважыў жывёл і выкарыстаў экстраннае тармажэнне, пазбегнуць сутыкнення не ўдалося, паведамляе Reuters.
У выніку аварыі загінулі сем сланоў, яшчэ адна маладая жывёліна атрымала траўмы. Ад удару з рэек сышлі лакаматыў і пяць вагонаў. У цягніку знаходзілася каля 200 пасажыраў, аднак ніхто з людзей не пацярпеў і частка вагонаў працягнула рух да канчатковага пункта.
Інцыдэнт адбыўся ў лясістай мясцовасці ў акрузе Хаджай, але, паводле інфармацыі чыгуначных службаў, гэтае месца не з’яўляецца міграцыйным шляхам сланоў.
У Асаме падобныя выпадкі здараюцца даволі часта, бо ў штаце жыве адна з найбуйнейшых папуляцый сланоў у Індыі. З 2020 года тут зафіксавалі гібель як мінімум дзясятка сланоў у выніку наездаў цягнікоў.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
Яны лёгка пераадольваюць абгарожданні, нават пад токам. І хіба ў азіяцкіх краінах даюць сур'ёзныя тэрміны за забойства слана, адное фермеры робяць пасткі з электрычнасцю ці выбухоўкаю, каб іх адпужваць ад сваіх надзелаў.