Сябра Віктара Лукашэнкі прызначылі кіраўніком Рассупрацоўніцтва
Уладзімір Пуцін падпісаў указ аб вызваленні Яўгена Прымакова з пасады кіраўніка Федэральнага агенцтва па справах СНД і суайчыннікаў, якія пражываюць за мяжой. Новым кіраўніком Расcупрацоўніцтва іншым указам прызначаны Ігар Чайка.
49‑гадовы Яўген Прымакоў — унук савецкага і расійскага палітыка і дыпламата Яўгена Прымакова, які быў міністрам замежных спраў Расіі.
На сёння 37‑гадовы Ігар Чайка — бізнэсмен, уладальнік аднаго з найбуйнейшых расійскіх аператараў утылізацыі смецця «Хартыя». У сакавіку мінулага года ён быў прызначаны намеснікам кіраўніка Расcупрацоўніцтва.
Ігар і яго брат Арцём Чайка сталі вядомыя пасля таго, як у 2015 годзе Фонд барацьбы з карупцыяй Аляксея Навальнага выпусціў фільм «Чайка» — расследаванне аб бізнэсе сям'і Юрыя Чайкі, які тады ўзначальваў Генпракуратуру РФ (ён называў расследаванне заказным).
У Беларусі ж Арцём і Ігар вядомыя сяброўствам са старэйшым сынам Лукашэнкі Віктарам. Яны з'яўляюцца заснавальнікамі клуба Iron Birds Chapter, які рэгулярна ладзіў у Беларусі прапагандысцкія мотапрабегі.
-
З Беларусі высылаюць больш за дзесяць польскіх святароў. У Магілёве ўжо развіталіся з пробашчам — і з праектам новага касцёла
-
Старую камяніцу каля ратушы ў Магілёве рыхтавалі для гарадскога музея. Цяпер там робяць офіс расійскага пасольства на чале з былым міністрам «ЛНР»
-
Арганізатары беларускага TEDx у Варшаве дагэтуль не атрымалі грошы за прададзеныя квіткі — кампанія беларуса затрымлівае іх ужо 4 месяцы
Каментары