Партугалія змяніла закон аб грамадзянстве. Зараз для яго атрымання неабходна пражыць у краіне дзесяць гадоў
Прэзідэнт Антоніу Жазэ Сегуру падпісаў папраўкі, якія, у тым ліку, уносяць змены ў закон аб грамадзянстве.
Цяпер для падачы заявы на атрыманне партугальскага пашпарта неабходна пражыць у краіне 10 гадоў. Раней гэты тэрмін складаў пяць гадоў.
Для грамадзян партугаламоўных краін, такіх як Бразілія, Ангола або Мазамбік, гэты тэрмін таксама павялічваецца — з пяці да сямі гадоў.
Раней дэпутаты таксама ўхвалілі іншы законапраект, які забараняе замежнікам запытваць від на жыхарства ўнутры краіны. Раней замежнік мог прыехаць у Партугалію з турыстычнымі мэтамі, а затым змяніць іх, падаўшы заяўку на ДНЖ.
Акрамя таго, законам уводзіцца тэрмін пражывання ў краіне для ўз’яднання з сям’ёй.
Калі раней замежнікі маглі падаць заяву на ўз’яднанне адразу пасля атрымання ДНЖ, то цяпер для гэтага неабходна пражыць у Партугаліі два гады.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты24
Каментары