Клуб «Юта Мамат» з Солт-Лейк-Сіці аб’явіў аб падпісанні кантракта з Ягорам Борыкавым, паведамляе Hockey.by.
Беларускі нападаючы Ягор Борыкаў падпісаў кантракт навічка з «Ютай» на тры гады.
На драфце НХЛ 2025 года форвард быў выбраны «Маматам» у 4‑м раундзе пад агульным 110‑м нумарам.
20‑гадовы Ягор Борыкаў пачынаў займацца хакеем у школе жлобінскага «Металурга». У сезоне 2022/2023 гуляў у Маладзёжнай хакейнай лізе за «Дынама-Шыннік» з Бабруйска, а ў 2023 годзе атрымаў шанец, пачаўшы гуляць за мінскае «Дынама» ў КХЛ. Спачатку падпісаў пробны кантракт, а пасля — паўнавартаснае пагадненне да 2026 года.
Сваю першую шайбу ў КХЛ тады 18‑гадовы Борыкаў закінуў у лістападзе 2023 года ў матчы супраць омскага «Авангарда», стаўшы самым маладым аўтарам гола ў гісторыі мінскага «Дынама». У тым жа годзе яго ўпершыню выклікалі ў нацыянальную зборную Беларусі.
«З першай зарплаты ў НХЛ, магчыма, куплю машыну». Інтэрв'ю з самым перспектыўным хакеістам Беларусі Віталем Пінчуком
Хакеіст мінскага «Дынама» Віталь Пінчук пайшоў гуляць у НХЛ. Лукашэнка спадзяваўся, што ён не «збяжыць»
Іллю Протаса прызналі найлепшым навічком АХЛ
У Кубку Стэнлі могуць згуляць трое беларусаў
Беларус уключаны ў сімвалічную зборную найлепшых навічкоў Амерыканскай хакейнай лігі
Каб не плаціць падатак на сабак, мінчукі пачалі здаваць іх у пункты адлову25
Каментары