Чарговы трывожны сігнал паступіў з вёскі Лясковічы Шумілінскага раёна, што ў Віцебскай вобласці.
Адзін з дачнікаў па імені Аляксей падчас ранішняй прабежкі сутыкнуўся з бурым мядзведзем, які відавочна зацікавіўся ім. Якімі былі намеры касалапага, можна толькі здагадвацца, але звер пачаў пераследаваць чалавека, піша Fishihgby.com.
На шчасце, мядзведзя спалохаў аўтамабіль, які праязджаў міма. Кіроўца, убачыўшы карціну, што разгортвалася перад ім, пачаў сігналіць, і гэта напалохала драпежніка — той адступіў і схаваўся ў лесе.
Калі б не гэты аўтамабіль, прабежка для Аляксея магла б скончыцца вельмі сумна.
Спецыялісты Нацыянальнай акадэміі навук лічаць, што ў Віцебскай вобласці сканцэнтравана больш за 70 % беларускай папуляцыі бурага мядзведзя, таму колькасць выпадковых сустрэч мясцовых жыхароў з гэтым драпежнікам у найбліжэйшы час будзе толькі павялічвацца.
Каментары