Тысячы пчол прыляцелі на пляж у Італіі, а затым вырашылі сесці на пляжны парасон
Паводле даных уладаў, ніхто не пацярпеў.
Некалькі тысяч пчол раптоўна з’явіліся над пляжам каля Рыміні — а потым аселі на адным-адзіным пляжным парасоне. Цікаўныя адпачывальнікі кінуліся фатаграфаваць рой, аднак пасля мясцовыя ўлады з меркаванняў бяспекі ачапілі гэты ўчастак пляжа, піша Bild.
На шчасце, тэрмінова выкліканы пчаляр змог прыбраць пчол.
Паводле даных уладаў, ніхто не пацярпеў. Эксперты мяркуюць, што на парасон вырашыла сесці пчаліная матка — а астатнія насякомыя паляцелі за ёй.
Усяго некалькі дзён таму на іншым пляжы ў Рычоне, таксама непадалёк ад Рыміні, адбыўся аналагічны выпадак.
Прэзідэнт Італьянскага таварыства экалагічнай медыцыны Алесандра Міяні ў эфіры тэлеканала Rai звязаў гэтыя выпадкі з цяперашнім надвор’ем, а менавіта з высокімі тэмпературамі. Яны вышэйшыя, чым звычайна ў гэты час года. Пчолы, восы і іншыя насякомыя становяцца з-за гэтага больш агрэсіўнымі і шукаюць месцы бліжэй да вады. У ваколіцах Рыміні ў апошнія дні было цяплей за трыццаць градусаў.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары