П’яны кіроўца ў Мінску пратараніў «Нісан» і ледзь не забіў чатырох чалавек
Выпадак адбыўся 17 чэрвеня каля 22.00.
П’яны кіроўца на «Фольксвагене‑Туран» рухаўся з боку вуліцы Янкоўскага па вуліцы Гарэцкага. На рагу з Рафіева праехаў на чырвонае святло і ўрэзаўся ў «Нісан‑Мікра», а затым выехаў на сустрэчную паласу, дзе сутыкнуўся з «Рэно‑Кліа».
У выніку кіроўца «Нісана», а таксама два дарослыя пасажыры і дзіця (2000 года нараджэння) атрымалі цяжкія цялесныя пашкоджанні: пераломы, страсенні галаўнога мозгу і г.д. Усе яны былі шпіталяваныя.
Машына таксама моцна пацярпела: самага юнага пасажыра давялося дэблакаваць супрацоўнікам Міністэрства па надзвычайных сітуацыях.
Яшчэ адзін п’яны кіроўца ў той жа дзень трапіў у ДТЗ у Заслаўі на легкавым БМВ. Ён не справіўся з кіраваннем, урэзаўся ў ліхтар і загінуў на месцы.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары