Пяць вежаў да неба: як вядзецца будаўніцтва міжнароднага фінансавага цэнтра ў Мінску
У «Мінск-Свеце» працягваецца будаўніцтва міжнароднага фінансавага цэнтра (МФЦ) — аднаго з самых маштабных і значных праектаў сталіцы. Як яно вядзецца, расказаў «Мінск-Навінам» першы намеснік кіраўніка адміністрацыі Кастрычніцкага раёна Дзяніс Віхрэнка.
Архітэктурны ансамбль, які аб’яднае пяць вежаў вышынёй 14, 26 і 42 паверхі, паступова набывае свае абрысы. Ужо цяпер будынкі комплексу амаль набылі свой канчатковы выгляд — іх шкляныя фасады эфектна зіхацяць, дэманструючы, як увасабляецца ў жыццё задумка архітэктараў.
— Паводле даных на 20 ліпеня, работы вядуцца на ўсіх аб’ектах комплексу, а тэмпы будаўніцтва застаюцца высокімі, — адзначыў Дзяніс Віхрэнка. — На будаўнічай пляцоўцы задзейнічаны 625 спецыялістаў, кожны з якіх уносіць свой уклад у стварэнне будучага дзелавога цэнтра горада.
Фасадныя работы на аб’ектах комплексу знаходзяцца на розных этапах: на шэрагу будынкаў мантаж модуляў ужо завершаны на 100 %, на іншых — яшчэ працягваецца. Усяго застаецца ўстанавіць некалькі тысяч фасадных элементаў.
Паралельна вядзецца ўладкаванне вентыляваных фасадаў: мантуюцца кранштэйны, укладваецца цеплаізаляцыя і ветраахоўная мембрана, устанаўліваюцца алюмініевыя касеты.
Унутры будынкаў актыўна ідуць аздабленчыя і інжынерныя работы. На многіх аб’ектах ужо завершаны маналітныя работы, уладкаваны дахавыя канструкцыі, узведзены вентыляцыйныя шахты.
Сістэмы водазабеспячэння, каналізацыі, ацяплення, вентыляцыі, дымавыдалення і кандыцыянавання знаходзяцца на розных этапах — ад разводкі і ўстаноўкі стаякоў да падключэння абсталявання і пусканаладачных работ.
Гатоўнасць асобных сістэм дасягае 90—98 %.
На адным з аб’ектаў пачаліся работы па добраўпарадкаванні з боку праспекта Міра: устанаўліваецца дарожны бардзюр і ўкладваецца тратуарная плітка (пакуль выканана 10 % ад агульнага аб’ёму).
Цяпер чытаюць
Сваякі каскадзёра, які ледзь не загінуў на аўташоу ў Лідзе, расказалі, што з ім цяпер1
Каментары