Літоўскі блогер паскардзіўся, што «Наша Ніва» няправільна пераказала яго дыялог са Спарышам. Камісія па этыцы стала на бок «НН»
«Этычных парушэнняў у публікацыі няма».
Камісія па этыцы грамадскага інфармавання Літвы разгледзела скаргу блогера Дамінікаса Чывіліса на публікацыю «Нашай Нівы» «Спарыш пайшоў да літоўскіх радыкалаў граміць Ціханоўскую. У выніку выслухаў пра «беларускі нацызм» і «праваслаўны зброд», якая была апублікаваная 28 сакавіка 2026 года.
На пасяджэнні 14 ліпеня камісія звярнула ўвагу, што ў публікацыі было выказана меркаванне, а сам тэкст выйшаў у адпаведнай рубрыцы партала, дзе публікуюцца дыскусійныя і публіцыстычныя матэрыялы, палітычныя і навуковыя спрэчкі.
Да таго ж «Наша Ніва» Чывілісу двойчы прапаноўвала выказаць сваё меркаванне ў адказ, але ён адмовіўся.
Члены камісіі адзначылі, што заяўніку варта было скарыстацца правам на адказ, бо «дыялог трэба развіваць заўсёды, нават у самых цяжкіх дыскусіях».
Ніхто з членаў камісіі парушэнняў этыкі ў публікацыі не ўбачыў. Агульнай згодай камісія вырашыла: нормы этыкі грамадскага інфармавання ў матэрыяле «Нашай Нівы» парушаныя не былі.
Раней Камісія па этыцы прыняла аналагічнае рашэнне па скарзе Вольгі Карач: парушэнняў этыкі таксама не выявілі.
Сяргей Спарыш — былы палітвязень. Жыве ў Літве пасля дэпартацыі з Беларусі. У беларускім апазіцыйным полі ён далучыўся да плыні, якая радыкальна крытыкуе Офіс Ціханоўскай. Акрамя таго, Спарыш увайшоў у кааліцыю з Вольгай Карач.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
[Зрэдагавана]