«Хоць касой касі». Беларусы знайшлі ў лесе паляну, літаральна ўсыпаную лісічкамі ВІДЭА
У Беларусі працягваецца грыбны сезон, і часам лес дорыць сапраўдныя сюрпрызы. Так здарылася з групай беларускіх грыбнікоў, якія нечакана знайшлі вялізную паляну, цалкам пакрытую лісічкамі, піша Times.by.
Сотні, а магчыма і тысячы маленькіх жоўтых капялюшыкаў літаральна высцілалі зямлю, ствараючы ўражанне, быццам гэта не грыбы, а апалае лісце.
Аўтар відэа паэтычна параўнаў убачанае са «шлейфам ад каметы». Іншыя карыстальнікі назвалі такую знаходку сапраўднай ілюстрацыяй выразу «хоць касой касі».
Відэа з незвычайнай палянай хутка разышлося ў тыктоку і за некалькі дзён набрала амаль тры мільёны праглядаў. Карыстальнікі актыўна спрабавалі даведацца, дзе знаходзіцца гэтае месца, але аўтар роліка так і не раскрыў лакацыю.
Сярод каментатараў былі такія, хто падзяліўся ўласнымі поспехамі ў зборы грыбоў. На фота і відэа з іншых месцаў былі паказаныя поўныя пакеты, вёдры і нават скрынкі з лісічкамі.
Цяпер перад шчаслівымі грыбнікамі стаіць ужо іншае пытанне — што рабіць з такой колькасцю грыбоў: сушыць, замарожваць, саліць ці гатаваць свежыя стравы.
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ8
Каментары
Кстати, лисички не нужно отваривать: их вкус от этого немного теряется. Лисички можно бросить в воду со столовой ложкой пищевой соды и так промыть - мусор останется на дне, - а потом поджарить лисички и заправить ими картошечку.