Сетка французскіх пякарняў і кандытарскіх Brioche спыняе працу сваёй пякарні ў Новай Баравой пад Мінскам. Пра гэта паведаміла заснавальніца брэнда Галіна Корсак, піша выданне Office Life.
Апошнім днём працы ўстановы на вуліцы Леанарда да Вінчы стане 31 ліпеня. Пякарня працавала ў фармаце ўстановы «каля дома» і была адкрытая сем гадоў таму.
Паводле слоў Галіны Корсак, рашэнне аб закрыцці далося ёй вельмі няпроста. Яна прызналася, што доўга маральна рыхтавалася да гэтага кроку, бо заўсёды моцна прывязваецца да сваіх праектаў і ўкладае ў іх шмат сіл. Заснавальніца адзначыла, што калектыў вельмі любіў гэтую пякарню і ганарыўся ёю, аднак прыйшоў час завяршыць праект.
Разам з тым кампанія працягвае развіццё. Ужо гэтай восенню плануецца адкрыццё новай пякарні ў жылым комплексе «Паўночны бераг» каля Цнянскага вадасховішча. Гэта будзе першая франшыза сеткі Brioche.
Першая пякарня Brioche з'явілася ў Мінску 12 гадоў таму на вуліцы Старажоўскай. Цяпер сетка таксама мае пякарню на вуліцы Татарскай і рэстаран-бістро на праспекце Пераможцаў. У меню прадстаўленыя французская выпечка, круасаны, хлеб, тарты, пірожныя, цукеркі, веганскія дэсерты, а таксама стравы для паўнавартасных сняданкаў, абедаў і вячэр.
«З’явіліся шанцы на выратаванне». Пякарня LЁN, якая абвясціла пра закрыццё, пакуль працягне працу
«Водар» і «Смачны»: на ўпакоўках пішуць, што на заквасцы, а яны на дражджах
У Гомелі закрываецца мясцовая гандлёвая сетка «Аркада»
«Дагэтуль трохі ў шоку». Француз, якога беларусы ўратавалі ад банкруцтва, расказаў пра таямніцы сваёй кавярні
Грузін адкрыў пякарню ў Заслаўі. Раней гатаваў хачапуры, а цяпер перайшоў на піцы
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў3
Каментары