Супрацоўнікі лабараторыі мікалогіі падчас інвентарызацыі грыбной і лішайнікавай флоры ў рэспубліканскім біялагічным заказніку «Буда-Кашалёўскі» знайшлі новы для Беларусі від лішайніку — Chaenothecopsis oregana Rikkinen, паведаміў Інстытут эксперыментальнай батанікі НАН Беларусі.
Знаходка была зроблена ў кіслічнай дуброве на смале елкі еўрапейскай.
Гэты від упершыню быў апісаны фінскімі навукоўцамі ў 2003 годзе ў Паўночнай Амерыцы — у амерыканскім штаце Арэгон. Тады яго знайшлі на смале піхты вялікай (Abies grandis).
Пазней лішайнік пачалі знаходзіць і ў Еўропе: Швейцарыі (2010 год), Іспаніі (2011 год), Латвіі (2024 год) і Эстоніі (2025 год). Па стане на 2026 год у свеце вядома каля 20 месцаў знаходжання гэтага віду, прычым большая частка з іх размешчаная ў ЗША.
У 2020 годзе Chaenothecopsis oregana быў уключаны ў Міжнародны Чырвоны спіс відаў, якім пагражае знікненне, як уразлівы від (катэгорыя VU).
Асаблівасць беларускай знаходкі ў тым, што ў заказніку «Буда-Кашалёўскі» на смале елкі было выяўлена каля 400 асобных пладовых целаў лішайніку. Гэта адна з самых буйных вядомых папуляцый гэтага віду ў свеце.
Цяпер чытаюць
«Кайлас, я іду». Што за беларуска знікла ў жудасным селі ў Непале12
Каментары