Сірыя гатовая адмовіцца ад расійскай нафты дзеля зняцця амерыканскіх санкцый
Сірыя гатовая адмовіцца ад закупак расійскай нафты, каб павысіць шанцы на поўнае зняцце амерыканскіх санкцый. Пра гэта паведамляюць крыніцы агенцтва Reuters.
Паводле інфармацыі Reuters, падчас перамоў аб выключэнні краіны са спісу дзяржаў — спонсараў тэрарызму ЗША далі зразумець Дамаску, што спыненне імпарту расійскай нафты дапаможа хутчэй дасягнуць гэтай мэты.
Сірыйскія ўлады пагадзіліся з такім падыходам, адзначыўшы, што цяпер карыстаюцца расійскімі пастаўкамі толькі праз адсутнасць іншых варыянтаў. У Дамаску разлічваюць, што пасля адмены абмежаванняў змогуць дыверсіфікаваць крыніцы энергарэсурсаў.
Пасля змены ўлады ў Сірыі Расія значна павялічыла пастаўкі нафты — прыкладна да 60 тысяч бараляў за суткі, што зрабіла яе галоўным пастаўшчыком для краіны. Аднак цяпер сірыйскі бок ужо вядзе пошук новых партнёраў. У прыватнасці, французская кампанія TotalEnergies абмяркоўвае праекты па разведцы нафты і газу на шэльфе, а таксама заключаныя дамоўленасці з іншымі замежнымі кампаніямі аб аднаўленні здабычы газу.
У ліпені прэзідэнт ЗША Дональд Трамп паведаміў Кангрэсу пра намер выключыць Сірыю са спісу дзяржаў — спонсараў тэрарызму. Адначасова Вашынгтон імкнецца аслабіць уплыў Масквы ў Сірыі і на Блізкім Усходзе, у тым ліку шляхам скарачэння расійскай вайсковай прысутнасці ў краіне.
Адзіны НПЗ Грузіі адмаўляецца ад расійскай нафты
Cклады Wildberries: пад Масквой і ў Цверы — міма, у Пецярбургу пайшло з дымам. Ёсць пападанне і ў НПЗ
Роберт Броўдзі: У Чорным і Азоўскім морах за месяц паразілі 205 расійскіх суднаў
Украінскія атакі на расійскія НПЗ сталі больш эфектыўнымі дзякуючы новай тактыцы
Каментары