Нямецкая дыпламатка ў Мінску ў парку Янкі Купалы прачытала верш беларускага класіка
А яе муж адказаў вершам Гейнэ.
Павераная ў справах Германіі ў Беларусі Катрын аус дэм Зіпэн разам з мужам запісалі кранальны відэазварот да беларусаў з нагоды апошняга месяца лета.
Падчас прагулкі па мінскім парку імя Янкі Купалы каля помніка беларускаму песняру яны прадэкламавалі вершы на дзвюх мовах.
Катрын аус дэм Зіпэн зачытала на беларускай мове радкі з верша Янкі Купалы «Лета ты, лета прыгожа-квяцістае, колькі ты ўносіш аздобы з сабой!». У сваю чаргу, яе муж прадэкламаваў на нямецкай мове лірычны твор Генрыха Гейнэ пра прыгажосць свету.
Як адзначаецца ў публікацыі амбасады Германіі, гэта стала паэтычным мостам паміж народамі і нагадала пра агульна чалавечыя каштоўнасці і натхненне, якое творцы розных краін знаходзілі ў роднай прыродзе.
Каментары
[Зрэдагавана]
Купала -- "беларускi класiк".
Не меншы за Гейне.
Розныя вельмi паэты. Розныя маштабы праблем вырашалi.
Купала мог i перажыць Гейне, калi б не забiлi.
Яго, нацыянальна арыентаванага паэта, не павiнна было iснаваць у змрочныя савецкiя часы.
Беларусь i Украiна i сёння (!) не павiнны icнаваць. Пры Пуцiне! Як i пры Гiтлеры.
Нашае "пытанне" iснавання дагэтуль вясiць, будзе не раз яшчэ задавацца, у Германii --не, жывуць без асаблiвых пагроз.
Беларусі НІХТО не дапамог, а наадварот: і фашыская мярзота нас паліла ў вёсках разам з каляплотавымі лабадэн-ССаўцамі, і калгас-расейскі бот утаптваў нас у багну. Але мы не толькі выстаялі і трымаем удар крамлёўскай гідры, прыцуючай рукамі лукашэнкаўскіх халуёў, але і дужаем развівацца на годным узроўні, прымушаючы зайздроснікаў з Прыбалтыкі слінямі сыходзіць ад моцы гаманцоў нашых людзей у акропалісах і ад паглынання іхнага рынка нашымі кампаніямі нават у выгнанні. Калі мы, як палякі, запатрабуем поўныя рэпарацыі з Нямеччыны за ўчыненае, яны ўвогуле загнуцца. Але мы талерантныя хатаскрайнікі збольшага пакуль. Часы змяняюцца - будуць плаціць па рахунках, распрадаючы парэшткі збудаваных амерыкосамі мэрсэдэсаў. Ці спрададзім рэйстаг самі!
Уцёрся ці ваякам на грозных канях трэба выкалупваць тваё сумленне з панскага бота?