Беларусі спатрэбіцца 8—10 гадзін для таго, каб аднавіць транзітныя пастаўкі расійскага газу ў Еўропу ў поўным аб’ёме. Пра гэта заявіў першы віцэ‑прэм’ер Беларусі Уладзімір Сямашка 24 чэрвеня на пасяджэнні аператыўнага штаба па забеспячэнні ўстойлівай працы сістэм газа‑ і энергазабеспячэння ў Мінэнерга.
«Беларусь цяпер аднаўляе газатранспартную сістэму па перапампоўванні газу да тэхнічных межаў, якія былі да абмежавання паставак расійскага газу ў краіну», — адзначыў Сямашка.
Ён падкрэсліў, што ў выпадку атрымання афіцыйнага пацвярджэння плацяжу ад «Газпрома» за транзіт Беларусь прапануе канцэрну «павялічыць магутнасць перапампоўвання газу, каб хутчэй аднавіць працу газатранспартнай сістэмы да штатнага рэжыму». Паводле слоў Сямашкі, у гэтым выпадку Беларусь зможа на два‑тры гадзіны скараціць час аднаўлення звычайнай працы газаправода.
Першы віцэ‑прэм’ер таксама паведаміў, што
Польшча і Германія атрымлівалі расійскі газ у поўным аб’ёме, нягледзячы на цяжкасці.
Паводле звестак расійскага боку, Беларусь несанкцыянавана адбірала транзітны газ, з‑за чаго аб’ёмы яго паставак у Еўропу скараціліся на 20%. Пра гэта паведаміў кіраўнік «Газпрома» Аляксей Мілер прэм’ер‑міністру РФ Уладзіміру Пуціну 24 чэрвеня. Ён заўважыў, што еўрапейскія спажыўцы недаатрымлівалі расійскі газ у сераду і ў чацвер раніцай да таго, як «Газпром» вырашыў аднавіць пастаўкі расійскага газу ў поўным аб’ёме.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў13
Каментары