Ва Украіне збіраюцца пашырыць мандат спецыяльнага прадстаўніка па Беларусі
Міністр замежных спраў Украіны Андрэй Сібіга падчас «гадзіны пытанняў да ўрада» ў Вярхоўнай Радзе 29 мая анансаваў планы па пашырэнні мандата спецыяльнага пасла МЗС, адказнага за супрацоўніцтва з беларускімі дэмакратычнымі сіламі, піша «Інтэрфакс-Украіна».
«Мы плануем пашыраць мандат, паўнамоцтвы прызначанага пасла па асаблівых адносінах, адказнага за кірунак Беларусі або кантакты з дэмакратычнымі сіламі. Таму мы зараз гэта абмяркоўваем. Мы зрабілі першы крок па інстытуалізацыі і больш сістэмным падыходзе», — сказаў Андрэй Сібіга.
Міністр дадаў, што МЗС, у прыватнасці, будзе кансультавацца з народнымі дэпутатамі адносна таго, якія сферы трэба дадаткова ахапіць у межах паўнамоцтваў новапрызначанага пасла.
«І абавязкова гэта зробім у кароткай перспектыве», — дадаў ён.
Прэзідэнт Украіны Уладзімір Зеленскі яшчэ ў пачатку студзеня заявіў пра намер прызначыць упаўнаважанага па пытаннях Беларусі і адзначыў неабходнасць падтрымкі беларускіх дэмакратычных сіл.
15 мая дырэктар Праграмы расійскіх і беларускіх студый Рады знешняй палітыкі «Украінская прызма», кандыдат гістарычных навук Яраслаў Чарнагор паведаміў, што прызначаны паслом па асобых даручэннях па пытаннях дэмакратычных трансфармацый, узаемадзеяння з дэмакратычнымі сіламі і нацыянальнымі рухамі недружалюбных краін. Менавіта ён цяпер адказны за супрацоўніцтва з беларускімі дэмакратычнымі сіламі.
Украіна прызначыла адказнага за супрацоўніцтва з Беларуссю
Ціханоўскую віталі кветкамі на вакзале ў Кіеве
Сібіга паабяцаў Ціханоўскай, што беспакараных не будзе, і падарыў архіўную перапіску УНР і БНР
Мікіта Забуга атрымліваў узнагароду ад Ціханоўскай у пагонах падпалкоўніка. Ён расказаў, як так
«Усю выгаду ад гэтага займее Масква і Пуцін». Пазняк даў ацэнку візіту Ціханоўскай ва Украіну
Хто з палітвязняў выйшаў на свабоду 16 верасня ПОЎНЫ СПІС23
Каментары