Украіна плануе восенню вярнуцца да трохбаковых перамоў аб спыненні вайны з Расіяй. Пра гэта заявіў кіраўнік Офіса прэзідэнта Украіны Кірыла Буданаў.
Па словах Буданава, чарговая сустрэча дэлегацый Украіны і Расіі можа адбыцца ўжо ў верасні. У перамовах, як і раней, мяркуецца ўдзел ЗША ў якасці пасярэдніка. Буданаў адзначыў, што без амерыканскага боку дамовіцца будзе вельмі складана.
Апошні на сённяшні дзень раўнд перамоў паміж Расіяй і Украінай прайшоў 17—18 лютага ў Жэневе. Тады бакі не здолелі дасягнуць дамоўленасці па пытаннях тэрыторый і гарантый бяспекі.
Швейцарыя ўжо заявіла пра гатоўнасць зноў даць пляцоўку для перамоў і падтрымала любыя дыпламатычныя ініцыятывы, накіраваныя на дасягненне трывалага міру.
У Крамлі пакуль заявілі, што не маюць канкрэтнай інфармацыі пра дату і месца наступнай сустрэчы. Пры гэтым прэс-сакратар Уладзіміра Пуціна Дзмітрый Пяскоў падкрэсліў, што Расія гатовая працягваць дыялог і абмяркоўвае яго магчымасць з амерыканскім бокам.
На фоне затрымкі перамоў з'яўляюцца паведамленні пра магчымую эскалацыю вайны. Паводле інфармацыі агенцтва Bloomberg, Уладзімір Пуцін можа разглядаць узмацненне ракетных удараў па Украіне. Адначасова амерыканская разведка і ўкраінскія СМІ паведамлялі пра магчымыя абмеркаванні ЗША і Расіяй абмежаванняў на ўдары па энергетычнай і партовай інфраструктуры, а таксама лакальнага спынення агню ў Сумскай і Харкаўскай абласцях.
Прэзідэнт Латвіі: Рызыка прамога ўварвання Расіі застаецца нізкай
SCALP. Што вядома пра ракеты, тэхналогіі вытворчасці якіх Украіне перадаюць Брытанія і Францыя
Расія пачала серыю дыверсій на зброевых заводах у Еўропе
Зяленскі назваў перыяд, калі можа адкрыцца «калідор магчымасцяў» для завяршэння вайны
«Кайлас, я іду». Што за беларуска знікла ў жудасным селі ў Непале9
Каментары